حضرت طاؤس ناپسند فرماتے ہیں کہ مکہ مکرمہ میں قید خانہ بنایا جائے، فرماتے ہیں کہ مناسب نہیں ہے دار رحمت میں تکلیف و عذاب والا گھر بنایا جائے۔ [مصنف ابن ابي شيبه/كتاب الحج/حدیث: 16593]

حضرت وکیع فرماتے ہیں کہ میں نے حضرت سفیان سے دریافت کیا کہ اگر کوئی شخص طواف واجب بھول جائے اور وہ طواف وداع کر کے چلا جائے؟ حضرت سفیان نے فرمایا طواف صدر ہی اس کا واجب طواف شمار ہوگا، اور اس پر طواف صدر کے لیے دم لازم ہے۔ [مصنف ابن ابي شيبه/كتاب الحج/حدیث: 16594]

اور حضرت حسن بن صالح نے فرمایا: یہ اس کے لیے کافی نہیں ہوگا، گویا کہ اس نے طواف ہی نہیں کیا۔ [مصنف ابن ابي شيبه/كتاب الحج/حدیث: 16595]

اور قران کرنے والا اگر آکر عمرہ سے پہلے حج کے لیے طواف کرلے؟ فرمایا: جو طواف اس نے حج کے لیے کیا ہے وہ عمرہ کے لیے شمار کیا جائے گا، اور اس کے ذمہ حج کا طواف لازم ہے۔ [مصنف ابن ابي شيبه/كتاب الحج/حدیث: 16596]

اور حضرت حسن بن صالح فرماتے ہیں کہ یہ اس کے لیے کافی نہ ہوگا۔ [مصنف ابن ابي شيبه/كتاب الحج/حدیث: 16597]

حضرت سفیان فرماتے ہیں کہ جب اس سہو، تلبیہ اور تکبیر جمع ہوجائے تو ابتدا سہو سے کرے پھر تلبیہ اور پھر تکبیر کہے۔ [مصنف ابن ابي شيبه/كتاب الحج/حدیث: 16598]

حضرت عطاء فرماتے ہیں کہ اگر سندھی مرغی کو مار دے تو اس پر ضمان آئے گی۔ [مصنف ابن ابي شيبه/كتاب الحج/حدیث: 16599]

حضرت عطاء فرماتے ہیں کہ غلام اگر تمتع کرے تو اس کا آقا اس کی طرف سے بکری ذبح کرے گا۔ [مصنف ابن ابي شيبه/كتاب الحج/حدیث: 16600]

حضرت لیث فرماتے ہیں کہ میں مقام ابراہیم کے اردگرد طواف کر رہا تھا حضرت عطاء ‘ حضرت طاؤس اور حضرت مجاہد نے مجھے دیکھا اور مجھے منع فرما دیا۔ [مصنف ابن ابي شيبه/كتاب الحج/حدیث: 16601]

حضرت مالک بن دینار فرماتے ہیں کہ میں نے حضرت مجاہد کو دیکھا آپ کے ہاتھ میں کھجور کی ایک شاخ تھی اور آپ اس میں سے مکہ مکرمہ کے کبوتروں کو دور کر رہے تھے۔ [مصنف ابن ابي شيبه/كتاب الحج/حدیث: 16602]