حضرت مجاہد قرآن مجید کی آیت { نِسَاؤُکُمْ حَرْثٌ لَکُمْ فَأْتُوا حَرْثَکُمْ أَنَّی شِئْتُمْ } ”تمہاری عورتیں تمہاری کھیتیاں ہیں، تم اپنی کھیتیوں میں جس طرح چاہو آؤ“ کے بارے میں فرماتے ہیں کہ اپنی بیویوں کی شرمگاہ میں جس طرح چاہو جماع کرو۔ [مصنف ابن ابي شيبه/كتاب النكاح/حدیث: 17510]

حضرت عکرمہ قرآن مجید کی آیت: { فَأْتُوْھُنَّ مِنْ حَیْثُ أَمَرَکُمُ اللّٰہُ }: ”تم بیویوں سے یوں ملو جیسے ملنے کا اللہ نے حکم دیا ہے“ کے بارے میں فرماتے ہیں کہ ان کے پاس اسی جگہ سے آؤ جہاں سے تمہیں دور رہنے کا حکم دیا تھا۔ یعنی حالت حیض میں۔ [مصنف ابن ابي شيبه/كتاب النكاح/حدیث: 17511]

حضرت ابراہیم قرآن مجید کی آیت: { فَأْتُوْھُنَّ مِنْ حَیْثُ أَمَرَکُمُ اللّٰہُ }: ”تم بیویوں سے یوں ملے جیسے ملنے کو اللہ نے حکم دیا ہے“ کے بارے میں فرماتے ہیں کہ شرمگاہوں میں جماع کرو۔ [مصنف ابن ابي شيبه/كتاب النكاح/حدیث: 17512]

حضرت مجاہد قرآن مجید کی آیت: { فَأْتُوْھُنَّ مِنْ حَیْثُ أَمَرَکُمُ اللّٰہُ }: ”تم بیویوں سے یوں ملے جیسے ملنے کو اللہ نے حکم دیا ہے“ کے بارے میں فرماتے ہیں کہ ان کے پاس اسی جگہ سے آؤ جہاں سے حیض میں تم ان سے دور رہتے تھے۔ [مصنف ابن ابي شيبه/كتاب النكاح/حدیث: 17513]

حضرت ابن حنفیہ قرآن مجید کی آیت: { فَأْتُوْھُنَّ مِنْ حَیْثُ أَمَرَکُمُ اللّٰہُ }: ”تم بیویوں سے یوں ملے جیسے ملنے کو اللہ نے حکم دیا ہے“ کے بارے میں فرماتے ہیں کہ شادی کرکے اور حلال طریقے سے جماع کرو۔ [مصنف ابن ابي شيبه/كتاب النكاح/حدیث: 17514]

حضرت مجاہد قرآن مجید کی آیت: { فَأْتُوْھُنَّ مِنْ حَیْثُ أَمَرَکُمُ اللّٰہُ }: ”تم بیویوں سے یوں ملے جیسے ملنے کو اللہ نے حکم دیا ہے“ کے بارے میں فرماتے ہیں کہ لوگوں کو حیض کی حالت میں عورتوں سے دور رہنے کا حکم دیا گیا تھا، پھر فرمایا کہ ان کے پاس وہاں سے آؤ جہاں سے اللہ نے تمہیں حکم دیا ہے: یعنی جب وہ پاک ہوجائیں تو اسی جگہ سے آؤ جہاں سے حیض کی حالت میں انہیں روکا گیا تھا۔ [مصنف ابن ابي شيبه/كتاب النكاح/حدیث: 17515]

حضرت ابو رزین قرآن مجید کی آیت: { فَأْتُوْھُنَّ مِنْ حَیْثُ أَمَرَکُمُ اللّٰہُ }: ”تم بیویوں سے یوں ملے جیسے ملنے کو اللہ نے حکم دیا ہے“ کے بارے میں فرماتے ہیں کہ طہر کی حالت میں جماع کرو۔ [مصنف ابن ابي شيبه/كتاب النكاح/حدیث: 17516]

حضرت ابن ابی ملیکہ فرماتے ہیں کہ قرآن مجید کی آیت: { وَلَنْ تَسْتَطِیعُوا أَنْ تَعْدِلُوا بَیْنَ النِّسَائِ وَلَوْ حَرَصْتُمْ } ”اگر تم چاہو بھی تو بیویوں کے درمیان عدل کی طاقت نہ رکھو گے“ حضرت عائشہ رضی اللہ عنہا کے بارے میں نازل ہوئی۔ [مصنف ابن ابي شيبه/كتاب النكاح/حدیث: 17517]

حضرت عبیدہ فرماتے ہیں کہ قرآن مجید کی آیت: { وَلَنْ تَسْتَطِیعُوا أَنْ تَعْدِلُوا بَیْنَ النِّسَائِ وَلَوْ حَرَصْتُمْ } ”اگر تم چاہو بھی تو بیویوں کے درمیان عدل کی طاقت نہ رکھو گے“ سے مراد محبت اور جماع ہے۔ [مصنف ابن ابي شيبه/كتاب النكاح/حدیث: 17518]

حسن فرماتے ہیں کہ (بیویوں کے درمیان عدل کی طاقت نہ ہونا) محبت کے بارے میں ہے، اور قرآن مجید کی آیت { فَلاَ تَمِیلُوا کُلَّ الْمَیْلِ } جماع کے بارے میں ہے، اور { فَتَذَرُوہَا کَالْمُعَلَّقَۃِ } کا مطلب یہ ہے کہ وہ عورت نہ تو بے شوہر ہو اور نہ شوہر والی۔ [مصنف ابن ابي شيبه/كتاب النكاح/حدیث: 17519]