حضرت حسن رحمہ اللہ فرماتے ہیں کہ آزاد کرنے والا مالک اگر مالدار ہے تو ساتھی کے لئے قیمت کا ضامن ہوگا اور غلام کی ولاء اسی کو ملے گی۔ اور اگر وہ غریب ہے تو غلام خود کوشش کرے گا (بقیہ قیمت کی) اور ولاء ان دونوں کو ملے گی۔ [مصنف ابن ابي شيبه/كتاب البيوع والأقضية/حدیث: 23246]

حضرت عامر رحمہ اللہ فرماتے ہیں کہ غلام دوسرے مالک کے لئے قیمت میں خود کوشش کرے گا، اور ولاء اس کو ملے گی جس نے اس کو آزاد کیا ہے۔ [مصنف ابن ابي شيبه/كتاب البيوع والأقضية/حدیث: 23247]

حضرت حماد سے مروی ہے کہ اگر غلام دو مالکوں کے درمیان مشترک ہو اور ان میں سے ایک اس کو آزاد کر دے تو ولاء دونوں کو ملے گی، یعنی جبکہ غلام سے قیمت میں کوشش کرائی جائے۔ [مصنف ابن ابي شيبه/كتاب البيوع والأقضية/حدیث: 23248]

حضرت ابراہیم رحمہ اللہ فرماتے ہیں غلام قیمت میں کوشش کرے یا نہ کرے ولاء اسی کو ملے گی جس نے آزاد کیا ہے۔ [مصنف ابن ابي شيبه/كتاب البيوع والأقضية/حدیث: 23249]

حضرت شریح رحمہ اللہ نے اپنے بیٹے عبداللہ کو ایک شخص کی کفالت میں جس کے لئے وہ کفیل بنفس بنا تھا قید کردیا تھا۔ [مصنف ابن ابي شيبه/كتاب البيوع والأقضية/حدیث: 23250]

حضرت حکم رحمہ اللہ فرماتے ہیں کہ اگر غلام ایسا ہو تو جو خراج کا مقرر حصہ ادا کرتا ہے وہ کوئی بیع کرے تو وہ معاملہ اسی کی گردن پر ہے۔ [مصنف ابن ابي شيبه/كتاب البيوع والأقضية/حدیث: 23251]

حضرت حماد رحمہ اللہ فرماتے ہیں کہ اگر مالک نے اس کو بیع کی اجازت دی ہے تو پھر اس کی گردن میں ہے۔ [مصنف ابن ابي شيبه/كتاب البيوع والأقضية/حدیث: 23252]

حضرت حارث رحمہ اللہ اور حضرت حماد رحمہ اللہ فرماتے ہیں کہ اگر مالک غلام سے مقررہ خراج طے کرلے تو یہ اس کو بیع کی اجازت دینا ہے۔ [مصنف ابن ابي شيبه/كتاب البيوع والأقضية/حدیث: 23253]

حضرت سعید بن المسیب رحمہ اللہ فرماتے ہیں کہ مدبر ثلث مال میں سے آزاد شمار ہوگا۔ [مصنف ابن ابي شيبه/كتاب البيوع والأقضية/حدیث: 23254]

حضرت حسن رحمہ اللہ اور محمد رحمہ اللہ سے بھی یہی مروی ہے۔ [مصنف ابن ابي شيبه/كتاب البيوع والأقضية/حدیث: 23255]