حسن رحمہ اللہ فرماتے ہیں کہ اس میں کوئی حرج نہیں کہ درست شیشے کو ٹوٹے ہوئے وزنی شیشے کے بدلے فروخت کیا جائے جب کہ وہ وزن میں درست سے زیادہ ہو، اور حضرت ابن سیرین اِ س کو ناپسند فرماتے تھے مگر یہ کہ برابر سرابر ہو۔ [مصنف ابن ابي شيبه/كتاب البيوع والأقضية/حدیث: 23536]

اور حضرت ابن سیرین اس کو ناپسند فرماتے تھے مگر یہ کہ وزن کے بدلے برابر وزن ہو۔ [مصنف ابن ابي شيبه/كتاب البيوع والأقضية/حدیث: 23537]

حضرت حسن سے مروی ہے کہ آنحضرت صلی اللہ علیہ وسلم نے ارشاد فرمایا: دودھ کو فروخت کرنے کے لئے اس میں (پانی وغیرہ) نہیں ملایا جائے گا۔ [مصنف ابن ابي شيبه/كتاب البيوع والأقضية/حدیث: 23538]

حضرت ابراہیم سبزی فروش سے پاس دراہم تڑوانے ناپسند کرتے تھے، کہ اس کے پاس دراہم تڑوائے اور جو اس نے اس میں لیا ہے اس کے علاوہ لے۔ [مصنف ابن ابي شيبه/كتاب البيوع والأقضية/حدیث: 23539]

حضرت ابن سیرین رحمہ اللہ سبزی فروش کو جلدی درہم دینے کو ناپسند کرتے تھے، پھر حضرت حسن سے اس کے متعلق دریافت کیا؟ آپ نے فرمایا کہ بخدا ہم تک یہ نہیں پہنچا۔ [مصنف ابن ابي شيبه/كتاب البيوع والأقضية/حدیث: 23540]

حسن سے اس کے متعلق دریافت کیا گیا تو آپ نے فرمایا کہ بخدا ہم تک یہ نہیں پہنچا۔ [مصنف ابن ابي شيبه/كتاب البيوع والأقضية/حدیث: 23541]

حضرت ابن سیرین فرماتے ہیں کہ کوئی شخص سبزی فروش کو درہم دے تو فرمایا وہ نہ لے مگر وہی چیز جس کے لئے پیشگی دیا گیا، اور اگر اسی کے پاس رکھا جائے تو جو چاہے وصول کرلے۔ [مصنف ابن ابي شيبه/كتاب البيوع والأقضية/حدیث: 23542]

حضرت محمد رحمہ اللہ اس بات کو ناپسند کرتے تھے کہ سبزی فروش کو درہم دیا جائے اور اس سے بیع (مبیع) لیا جائے، لیکن اس سے سامان لے لیا جائے جب ایک درہم کا سامان ہوجائے تو پھر اس کو درہم دیا جائے۔ [مصنف ابن ابي شيبه/كتاب البيوع والأقضية/حدیث: 23543]

حضرت ابوہریرہ رضی اللہ عنہ سے مروی ہے کہ آنحضرت صلی اللہ علیہ وسلم نے ارشاد فرمایا: جو شخص مصراۃ بکری خریدے (ایسی بکری جس کے مالک نے اس کو فروخت کرنے سے کچھ دن پہلے اس کا دودھ نکالنا چھوڑ دیا ہو تاکہ خریدار کو اس کا دودھ زیادہ لگے) اس کو اختیار ہے، اگر چاہے تو وہ بکری واپس کر دے اور جو دودھ اس نے استعمال کیا ہے اس کے بدلے میں ایک صاع کھجور دے دے۔ [مصنف ابن ابي شيبه/كتاب البيوع والأقضية/حدیث: 23544]

نبی کریم صلی اللہ علیہ وسلم کا ارشاد ہے کہ جو مصراۃ بکری خریدے اس کو دو باتوں کا اختیار ہے، اگر اس کو واپس کرنا ہے تو ساتھ ایک صاع کھجور یا ایک صاع طعام دے دے۔ [مصنف ابن ابي شيبه/كتاب البيوع والأقضية/حدیث: 23545]