حضرت انس رضی اللہ عنہارشاد فرماتے ہیں کہ آنحضرت صلی اللہ علیہ وسلم نے لوٹ مار سے منع فرمایا اور فرمایا جو لوٹ کھسوٹ کرے وہ ہم میں سے نہیں۔ [مصنف ابن ابي شيبه/كتاب البيوع والأقضية/حدیث: 23766]

حضرت کلیب ایک صحابی سے روایت کرتے ہیں وہ فرماتے ہیں کہ ہم لوگ ایک غزوہ میں حضور صلی اللہ علیہ وسلم کے ساتھ تھے ہمیں سخت بھوک لگی، ہم نے کچھ بکریاں پائیں تو ہم نے ان کو تقسیم سے پہلے لوٹ لیا، آنحضرت صلی اللہ علیہ وسلم ہمارے پاس اس حال میں تشریف لائے کہ آپ صلی اللہ علیہ وسلم اپنی کمان پر سہارا لئے ہوئے تھے، آپ صلی اللہ علیہ وسلم ہماری ہانڈیوں کے پاس تشریف لائے اور ان کو کمان سے الٹ دیا اور فرمایا: لوٹی ہوئی چیز مردار سے زیادہ حلال نہیں ہے۔ (دونوں کا حکم برابر ہے)۔ [مصنف ابن ابي شيبه/كتاب البيوع والأقضية/حدیث: 23767]

نبی کریم صلی اللہ علیہ وسلم نے ارشاد فرمایا: کوئی بھی شخص مومن ہونے کی حالت میں ایسی قیمتی چیز نہیں لوٹتا کہ جس کی طرف مسلمان اپنے سر اٹھا کر دیکھیں۔ [مصنف ابن ابي شيبه/كتاب البيوع والأقضية/حدیث: 23768]

حضرت جابر رضی اللہ عنہ سے مروی ہے کہ جس کسی نے بھی کوئی قیمتی چیز لوٹی جس کی وجہ سے مسلمانوں میں وہ مشہور ہوگیا (یعنی سب اس کے اس فعل کو برا جاننے لگے) تو وہ ہم میں سے نہیں ہے، راوی فرماتے ہیں کہ میں نے ابو الز بیر رحمہ اللہ سے پوچھا کہ یہ حضور صلی اللہ علیہ وسلم سے منقول ہے؟ آپ رحمہ اللہ نے فرمایا ہاں حضور صلی اللہ علیہ وسلم سے مروی ہے۔ [مصنف ابن ابي شيبه/كتاب البيوع والأقضية/حدیث: 23769]

حضرت ابو ریحانہ رضی اللہ عنہ سے مروی ہے کہ آنحضرت صلی اللہ علیہ وسلم نے لوٹ مار سے منع فرمایا۔ [مصنف ابن ابي شيبه/كتاب البيوع والأقضية/حدیث: 23770]

عبد الرحمن بن سمرہ سے مروی ہے کہ آنحضرت صلی اللہ علیہ وسلم نے لوٹ کھسوٹ سے منع فرمایا ہے۔ [مصنف ابن ابي شيبه/كتاب البيوع والأقضية/حدیث: 23771]

حضرت زید بن خالد الجھنی رضی اللہ عنہ سے مروی ہے کہ آنحضرت صلی اللہ علیہ وسلم نے لوٹ کھسوٹ اور مثلہ کرنے سے منع فرمایا ہے۔ [مصنف ابن ابي شيبه/كتاب البيوع والأقضية/حدیث: 23772]

حضرت سفیان سامان میں شرکت اور مضاربت کرنے کو ناپسند کرتے تھے۔ [مصنف ابن ابي شيبه/كتاب البيوع والأقضية/حدیث: 23773]

اور حضرت ابن ابی لیلی فرماتے تھے کہ اس میں کوئی حرج نہیں ہے۔ [مصنف ابن ابي شيبه/كتاب البيوع والأقضية/حدیث: 23774]

حضرت ابن سیرین سامان میں شرکت کرنے کو ناپسند کرتے تھے۔ [مصنف ابن ابي شيبه/كتاب البيوع والأقضية/حدیث: 23775]