حضرت عامر فرماتے ہیں کہ بدے اور برے ناخنوں کی وجہ سے واپس کردی جائے گی، اور اسی طرح نازیبہ تل کی وجہ سے بھی لوٹا دی جائے گی۔ [مصنف ابن ابي شيبه/كتاب البيوع والأقضية/حدیث: 23806]

حضرت عبید اللہ بن جہضم ازدی فرماتے ہیں کہ میں قاضی شریح کے پاس گدھے کا جھگڑا لے کر گیا۔ انہوں نے اس کو واپس کردیا۔ [مصنف ابن ابي شيبه/كتاب البيوع والأقضية/حدیث: 23807]

حضرت شریح ہر عیب کی وجہ سے واپس کردیتے تھے۔ [مصنف ابن ابي شيبه/كتاب البيوع والأقضية/حدیث: 23808]

حضرت شریح ٹھوکر کھا کر گرنے کی وجہ سے واپس نہ کرتے تھے اور فرماتے ہر جانور گرتا ہے، حضرت سفیان فرماتے ہیں کہ یہ عیب ہے واپس ہوگا۔ [مصنف ابن ابي شيبه/كتاب البيوع والأقضية/حدیث: 23809]

حضرت سفیان فرماتے ہیں کہ یہ عیب ہے، اس کی وجہ سے واپس کیا جائے گا۔ [مصنف ابن ابي شيبه/كتاب البيوع والأقضية/حدیث: 23810]

حضرت شریح رحمہ اللہ سے اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 23811]

حضرت شریح رحمہ اللہ کے پاس ایک جھگڑا لایا گیا کہ بکری مکھیاں کھاتی ہے، آپ نے فرمایا: دودھ پاکیزہ اور چارہ مفت ہے، آپ نے اس بیع کو نافذ فرمایا۔ [مصنف ابن ابي شيبه/كتاب البيوع والأقضية/حدیث: 23812]

حضرت عمر رضی اللہ عنہاپنی زمین کرایہ پر دیتے وقت یہ شرط لگاتے تھے کہ گوبر اور پاخانے سے اس میں کھاد نہیں ڈالی جائے گی۔ [مصنف ابن ابي شيبه/كتاب البيوع والأقضية/حدیث: 23813]

حضرت ابن عمر رضی اللہ عنہما جب زمین کرایہ پر دیتے تو کرایہ دار پر شرط لگا دیتے کہ وہ گوبر اور پاخانے سے کھاد نہیں ڈالے گا۔ [مصنف ابن ابي شيبه/كتاب البيوع والأقضية/حدیث: 23814]

حضرت عبد اللہ بن دینار فرماتے ہیں کہ ایک شخص اپنی زمین کی کاشت انسانی پاخانے سے کرتا تھا، حضرت عمر رضی اللہ عنہ نے اس سے فرمایا: کیا تو لوگوں کو وہ کھلاتا ہے جو ان میں سے نکلتا ہے (پاخانہ مراد ہے)؟ [مصنف ابن ابي شيبه/كتاب البيوع والأقضية/حدیث: 23815]