حضرت ابو امامہ فرماتے ہیں کہ صرف بھی سود ہی ہے۔ [مصنف ابن ابي شيبه/كتاب البيوع والأقضية/حدیث: 23976]

حضرت علی رضی اللہ عنہ سے صرف کے متعلق دریافت کیا گیا؟ فرمایا یہ ربا العجلان ہے۔ [مصنف ابن ابي شيبه/كتاب البيوع والأقضية/حدیث: 23977]

حضرت ابوالعالیہ فرماتے ہیں کہ اگر میں بیع صرف کرنے والے کے گھر کے پاس سے گذروں اور مجھے پیاس لگی ہو تو پھر میں اس سے پانی طلب نہ کروں گا۔ [مصنف ابن ابي شيبه/كتاب البيوع والأقضية/حدیث: 23978]

نبی کریم صلی اللہ علیہ وسلم نے ارشاد فرمایا: جو شخص کھجور کا درخت اس کی تأبیر (پیوند کاری) کے بعد فروخت کرے تو اگر خریدنے والا شرط نہ لگائے تو پھل بائع کے ہوں گے، اور جو شخص ایسا غلام فروخت کرے جس کے پاس مال ہو، تو اگر خریدنے والے نے شرط نہ لگائی تو وہ مال بائع کا ہوگا۔ [مصنف ابن ابي شيبه/كتاب البيوع والأقضية/حدیث: 23979]

نبی کریم صلی اللہ علیہ وسلم نے ارشاد فرمایا: جو شخص ایسا غلام خریدے جس کے پاس مال ہو تو خریدنے والے نے اگر اس مال کی شرط نہ لگائی تو وہ مال بائع کا ہوگا۔ [مصنف ابن ابي شيبه/كتاب البيوع والأقضية/حدیث: 23980]

نبی کریم صلی اللہ علیہ وسلم نے ارشاد فرمایا: جو شخص ایسا غلام فروخت کرے جس کے پاس مال بھی ہو تو وہ مال بائع کا ہوگا، مگر یہ کہ خریدنے والا اس کی بھی شرط لگا دے ان الفاظ کے ساتھ کہ میں اس کو اور اس کے مال کو آپ سے خریدتا ہوں، اور جو شخص ایسا کھجور کا درخت فروخت کرے، جس کی تأبیر (پیوند کاری) ہو چکی ہو تو اس کے پھل بائع کے ہوں گے، مگر یہ کہ خریدنے والا پھلوں کی بھی شرط لگا دے۔ [مصنف ابن ابي شيبه/كتاب البيوع والأقضية/حدیث: 23981]

حضرت جابر اور حضرت عبد اللہ بن عمر رضی اللہ عنہما سے بھی اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 23982]

حضرت جابر اور حضرت ابن عمر رضی اللہ عنہما فرماتے ہیں کہ جو شخص کھجور کا درخت فروخت کرے تو پھل بائع کے ہوں گے، مگر یہ کہ مشتری شرط لگا دے، اور جو شخص ایسا غلام فروخت کرے جس کے پاس مال ہو تو وہ مال بائع کا ہوگا، مگر یہ کہ خریدنے والا شرط لگا دے۔ [مصنف ابن ابي شيبه/كتاب البيوع والأقضية/حدیث: 23983]

حضرت علی رضی اللہ عنہ فرماتے ہیں کہ جو شخص ایسا غلام فروخت کرے جس کے پاس مال ہو تو وہ مال بائع کا ہوگا، مگر یہ کہ خریدنے والا اس کی شرط لگا دے، اور جو شخص ایسا کھجور کا درخت فروخت کرے جس کی تأبیر یعنی پیوند کاری ہو چکی ہو تو اس کے پھل بائع کے ہوں گے، مگر یہ کہ خریدنے والا ان کی شرط لگا دے۔ رسول اللہ صلی اللہ علیہ وسلم نے اسی کا فیصلہ فرمایا ہے۔ [مصنف ابن ابي شيبه/كتاب البيوع والأقضية/حدیث: 23984]

حضرت عمر رضی اللہ عنہارشاد فرماتے ہیں کہ جو شخص ایسا غلام فروخت کرے جس کے پاس مال بھی ہو تو وہ مال آقا کا ہوگا مگر یہ کہ مشتری اس کی شرط لگا دے تو مشتری کا ہوگا۔ [مصنف ابن ابي شيبه/كتاب البيوع والأقضية/حدیث: 23985]