حضرت زہری فرماتے ہیں کہ چرواہا ضامن نہیں ہوگا۔ [مصنف ابن ابي شيبه/كتاب البيوع والأقضية/حدیث: 24866]

حضرت طاؤس فرماتے ہیں کہ اگر میں دیکھوں کسی شخص کو دوسرے نے مار کر زخمی کردیا ہے، پھر وہ مجھے ظالم بادشاہ کے پاس اس لئے بلائے کہ میں اس کے لئے گواہی دوں تو میں اس کے لئے گواہی نہیں دوں گا۔ [مصنف ابن ابي شيبه/كتاب البيوع والأقضية/حدیث: 24867]

حضرت شعبی اور حضرت حکم فرماتے ہیں کہ اگر وصی متہّم ہوجائے تو اس سے قسم لی جائے گی۔ [مصنف ابن ابي شيبه/كتاب البيوع والأقضية/حدیث: 24868]

حضرت حماد سے مروی ہے کہ دو آدمیوں کے درمیان ایک باندی مشترک تھی، جو انہوں نے چالیس دینار میں خریدی تھی، پھر انہوں نے اس کو مرابحۃً فروخت کرنے کا ارادہ کیا، ان کو پچاس دینار ملے، پھر ان میں سے ایک نے اس کو خود خرید لیا، پھر اگر وہ مرابحۃً فروخت کرنا چاہے تو وہ پینتالیس دینار میں فروخت کرے گا اور وہ پانچ دینار اس کانفع ہوگا۔ [مصنف ابن ابي شيبه/كتاب البيوع والأقضية/حدیث: 24869]

حضرت حارث سے مروی ہے کہ ایک شخص نے اپنی والدہ پر باندی صدقہ کی، پھر اس نے خاتون سے شادی کی اور اس کو اپنی بیوی کودے دیا، پھر وہ اپنا جھگڑا حضرت شریح کے پاس لے گئے، حضرت شریح نے اس کی والدہ سے فرمایا: بیشک تیرے بیٹے نے تجھے اپنا صدقہ ہبہ نہیں کیا تھا۔ [مصنف ابن ابي شيبه/كتاب البيوع والأقضية/حدیث: 24870]

حضرت ابراہیم نے باندی کو والدہ کی ملکیت قرار دیا مگر یہ کہ وہ اس پر گواہ لے آئے کہ اس نے صدقہ (ہبہ) کرنے سے قبل مہر میں دیا تھا۔ [مصنف ابن ابي شيبه/كتاب البيوع والأقضية/حدیث: 24871]

حضرت شعبی رحمہ اللہ اُن دو شخصوں کے متعلق فرماتے ہیں جن کا مال سے متعلق اختلاف ہوگیا، انہوں نے وہ مال ایک عادل کے پاس رکھوا دیا، فرمایا، مال اسی حالت میں عادل کے قبضہ میں رہے گا یہاں تک کہ ان میں سے ایک گواہ پیش کر دے۔ [مصنف ابن ابي شيبه/كتاب البيوع والأقضية/حدیث: 24872]

شریح کے پاس ایک قوم جھگڑا لے کر آئی جو کپڑا کا تتے تھے۔ کہنے لگے کہ ہمارا طریقہ وہی ہے جو ہمارے درمیان مقرر ہے، فرمایا تمہارا طریقہ وہی ہے جو تمہارے درمیان ہے۔ [مصنف ابن ابي شيبه/كتاب البيوع والأقضية/حدیث: 24873]

حضرت شعبی رحمہ اللہ سے مروی ہے کہ ام ولد نے اپنے آقا سے کہا: جب تمہارا بچہ تمہارے پاس روئے تو اس کو اچھالو اور یوں کہو ”مادر تو آزاد“ یعنی تیری ماں آزاد ہے، حضرت شعبی نے فرمایا: اگر اس کو فارسی نہیں آتی تو اس کی کوئی حیثیت نہیں۔ [مصنف ابن ابي شيبه/كتاب البيوع والأقضية/حدیث: 24874]

حضرت ابن عباس رضی اللہ عنہما فرماتے ہیں کہ اقلف کی گواہی قبول نہیں۔ [مصنف ابن ابي شيبه/كتاب البيوع والأقضية/حدیث: 24875]