حضرت ابن سیرین مقروض ہوئے تو وہ بعض کو ادا کرتے اور بعض کو (فی الحال) نہ دیتے۔ [مصنف ابن ابي شيبه/كتاب البيوع والأقضية/حدیث: 24896]

حضرت ابو قلابہ سے بھی اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 24897]

حضرت محمد رحمہ اللہ فرماتے ہیں کہ حضرت شریح بائع کو بائع کو بری الذمہ نہیں قرار دیتے تھیں سوائے اس صورت کے کہ مبیعہ کو کوئی بیماری ہو جو وہ بیان کر دے۔ [مصنف ابن ابي شيبه/كتاب البيوع والأقضية/حدیث: 24898]

حضرت شریح اُ س شخص کے متعلق فرماتے ہیں جس سے کوئی شخص اپنا حق طلب کرے پھر مطلوب فوت ہوجائے تو فرمایا اس کی گواہی اصل حق پر ہے، اور براء ۃ اہل متوفی پر ہے کہ ان کا ساتھی بری ہوچکا تھا۔ یا پھر طالب اس پر قسم اٹھائے کہ وہ اس حال میں فوت ہوا کہ اس کا حق اس مرنے والے پر لازم ہے۔ [مصنف ابن ابي شيبه/كتاب البيوع والأقضية/حدیث: 24899]

حضرت حسن فرماتے ہیں کہ جب تم کوئی چیز مرابحۃً فروخت کرو تو اس پر جتنا خرچہ آیا ہے اس کا حساب لگاؤ، اور جو تجھ پر خرچہ آیا ہے اس کا حساب مت لگاؤ۔ [مصنف ابن ابي شيبه/كتاب البيوع والأقضية/حدیث: 24900]

حضرت مکحول اس بات کو ناپسند فرماتے تھے کہ کوئی شخص دوسرے کو یہ کہہ کر دینار دے کہ اتنے اتنے میں تبدیل کرلے پھر جو بچ جائے گا وہ تیرا ہوگا۔ [مصنف ابن ابي شيبه/كتاب البيوع والأقضية/حدیث: 24901]

حضرت عمر بن عبد العزیز اس شخص کے متعلق فرماتے ہیں جو باندی اور اس کے لڑکے کو فروخت کرے پھر لڑکے کا دعویٰ کر دے، فرمایا: اس کو ملکیت کے ساتھ واپس کردیا جائے گا اور نسب ثابت نہیں ہوگا۔ [مصنف ابن ابي شيبه/كتاب البيوع والأقضية/حدیث: 24902]

حضرت حارث العکلی فرماتے ہیں کہ کوئی شخص سبز چارے کی کھڑی فصل کو چارہ کے لئے خریدے پھر کسی کام میں مشغولی کی وجہ سے کاٹ نہ سکے اور وہ زیادہ ہوجائے تو کوئی حرج نہیں۔ [مصنف ابن ابي شيبه/كتاب البيوع والأقضية/حدیث: 24903]

حضرت طاؤس اس طرح بیع کرنے میں کوئی حرج نہیں سمجھتے تھے کہ طعام فروخت کرتے وقت وہ یوں کہے کہ جب تو سپرد کرے گا تو میں ثمن ادا کروں گا۔ [مصنف ابن ابي شيبه/كتاب البيوع والأقضية/حدیث: 24904]

حضرت حسن فرماتے ہیں کہ اگر کوئی شخص اپنے غلام سے یوں کہے کہ تو ایک سال میری خدمت کرے تو تو آزاد ہے، فرمایا غلام ایک سال خدمت کرے گا پھر وہ آزاد ہے، اور اگر غلام سے یوں کہے: تو اس شرط پر آزاد ہے کہ تو ایک سال میری خدمت کرے، پھر مالک فوت ہوجائے اور غلام اس کی وفات کے بعد اس کی اولاد کی ایک سال خدمت کرے تو وہ اس کے ثلث مال سے آزاد ہے۔ [مصنف ابن ابي شيبه/كتاب البيوع والأقضية/حدیث: 24905]