حضرت شریح فرماتے ہیں کہ تہمت لگانے والے کی گواہی جائز نہیں اور اس کی توبہ اللہ کا اور اس کا معاملہ ہے۔ [مصنف ابن ابي شيبه/كتاب البيوع والأقضية/حدیث: 21896]

حضرت ابو ہیثم فرماتے ہیں کہ حضرت ابراہیم اور حضرت شعبی تہمت لگانے والے کی گواہی کے بارے میں بات کررہے تھے، حضرت ابراہیم نے فرمایا کہ اس کی گواہی قبول نہیں کی جائے گی، حضرت شعبی نے اس کی وجہ پوچھی تو حضرت ابراہیم نے فرمایا کہ آپ نہیں جانتے کہ اس نے توبہ کی ہے یا نہیں کی۔ [مصنف ابن ابي شيبه/كتاب البيوع والأقضية/حدیث: 21897]

حسن تہمت لگانے والے کے بارے میں فرماتے ہیں کہ اس کی توبہ اللہ کا اور اس کا معاملہ ہے اور اس کی گواہی جائز نہیں۔ [مصنف ابن ابي شيبه/كتاب البيوع والأقضية/حدیث: 21898]

حسن اور حضرت سعید بن مسیب فرماتے ہیں کہ ایسے شخص کی کوئی گواہی نہیں اور اس کی توبہ اللہ کا اور اس کا معاملہ ہے۔ [مصنف ابن ابي شيبه/كتاب البيوع والأقضية/حدیث: 21899]

حضرت عبد اللہ بن عمرو رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا کہ تمام مسلمان عدول ہیں (یعنی ان کی گواہی ایک دوسرے کے حق میں قبول کی جائے گی) سوائے ان کے جن پر تہمت لگانے کے جرم میں حد جاری ہوئی ہو۔ [مصنف ابن ابي شيبه/كتاب البيوع والأقضية/حدیث: 21900]

ابراہیم فرماتے ہیں کہ تہمت لگانے والے کی گواہی قبول نہیں کی جائے گی اور اس کی توبہ اللہ کا اور اس کا معاملہ ہے۔ [مصنف ابن ابي شيبه/كتاب البيوع والأقضية/حدیث: 21901]

حضرت طاوس فرماتے ہیں کہ تہمت لگانے والے کی توبہ یہ ہے کہ وہ اپنی تکذیب کرے۔ [مصنف ابن ابي شيبه/كتاب البيوع والأقضية/حدیث: 21902]

حضرت عامر فرماتے ہیں کہ تہمت لگانے والے کی توبہ یہ ہے کہ وہ اسی طرح کھڑا ہو جیسے پہلے کھڑا ہوا تھا اور اپنی تکذیب کرے۔ [مصنف ابن ابي شيبه/كتاب البيوع والأقضية/حدیث: 21903]

حضرت زید بن ثابت اور حضرت شریح فرماتے ہیں کہ مدبر غلام کو بیچا نہیں جاسکتا۔ [مصنف ابن ابي شيبه/كتاب البيوع والأقضية/حدیث: 21904]

حضرت شریح سے بھی اسی طرح منقول ہے، دونوں حضرات فرماتے ہیں کہ مدبر غلام کو بیچا نہیں جاسکتا۔ [مصنف ابن ابي شيبه/كتاب البيوع والأقضية/حدیث: 21905]