حضرت انس سے روایت ہے۔ وہ کہتے ہیں کہ آپ صلی اللہ علیہ وآلہ وسلم کی انگوٹھی میں چاندی تھی۔ اور اس کا نگینہ حبشی تھا۔ [مصنف ابن ابي شيبه/كتاب اللباس/حدیث: 26760]

حضرت ابن عمر رضی اللہ عنہما سے روایت ہے۔ وہ کہتے ہیں کہ جناب رسول اللہ صلی اللہ علیہ وآلہ وسلم نے چاندی کی ایک انگوٹھی بنوائی۔ پس وہ آپ صلی اللہ علیہ وآلہ وسلم کے ہاتھ میں رہی۔ پھر آپ صلی اللہ علیہ وآلہ وسلم کے بعد حضرت ابوبکر کے ہاتھ میں تھی پھر حضرت عمر کے ہاتھ میں رہی۔ پھر حضرت عثمان کے ہاتھ میں رہی۔ یہاں تک کہ یہ آپ سے بئیر اریس میں گرگئی۔ اور اس کا نقش ”محمد رسول اللّٰہ“ تھا۔ [مصنف ابن ابي شيبه/كتاب اللباس/حدیث: 26761]

حضرت ابراہیم سے روایت ہے۔ وہ کہتے ہیں کہ مجھے اس آدمی نے بتایا جس نے خود حضرت عبد اللہ پر لوہے کی انگوٹھی دیکھی تھی۔ [مصنف ابن ابي شيبه/كتاب اللباس/حدیث: 26762]

حضرت اعمش سے روایت ہے۔ وہ کہتے ہیں کہ میں نے حضرت ابراہیم پر لوہے کی انگوٹھی دیکھی۔ [مصنف ابن ابي شيبه/كتاب اللباس/حدیث: 26763]

حضرت مکحول بیان کرتے ہیں۔ کہتے ہیں کہ جناب نبی کریم صلی اللہ علیہ وآلہ وسلم کی انگوٹھی لوہے کی تھی جس پر چاندی چڑھی ہوئی تھی۔ [مصنف ابن ابي شيبه/كتاب اللباس/حدیث: 26764]

حضرت ہشام سے روایت ہے۔ وہ کہتے ہیں کہ محمد سے لوہے کی انگوٹھی کے بارے میں سوال کیا گیا؟ تو انہوں نے فرمایا: کوئی حرج نہیں، مگر یہ کہ اس کی بو کو ناپسند کیا جائے۔ [مصنف ابن ابي شيبه/كتاب اللباس/حدیث: 26765]

حضرت منصور سے روایت ہے۔ وہ کہتے ہیں کہ میں نے حضرت ابراہیم پر لوہے کی انگوٹھی دیکھی۔ کہتے ہیں: میں نے ان سے پوچھا تو انہوں نے کہا: حضرت عبد اللہ کی انگوٹھی بھی لوہے کی تھی۔ [مصنف ابن ابي شيبه/كتاب اللباس/حدیث: 26766]

حضرت حکیم بن جابر سے روایت ہے کہ حضرت عمر نے ایک آدمی پر لوہے کی انگوٹھی دیکھی تو آپ نے اس کو ناپسند کیا۔ [مصنف ابن ابي شيبه/كتاب اللباس/حدیث: 26767]

حضرت حکیم بن دیلم سے روایت ہے۔ وہ کہتے ہیں کہ میں نے حضرت ضحاک کو کہتے سُنا۔ حضرت عطاء سے ایسی چاندی کی انگوٹھی کے بارے میں سوال کیا گیا جس کا نگینہ لوہے کا ہو؟ تو انہوں نے اس کو ناپسند کیا۔ [مصنف ابن ابي شيبه/كتاب اللباس/حدیث: 26768]

حضرت ابو الکنود سے روایت ہے۔ وہ کہتے ہیں کہ یوم مہران کو دشمنوں کے بڑوں میں سے کوئی بڑا مارا گیا۔ تو میں نے اس پر انگوٹھی دیکھی۔ چناچہ میں نے اس کو پہن لیا۔ پھر اس کو حضرت ابن مسعود نے مجھ پر دیکھا تو اس کو لے لیا اور اس کو اپنی دونوں داڑھوں کے درمیان رکھ کر توڑ دیا پھر اس کو میری طرف پھینک دیا اور فرمایا: جناب نبی کریم صلی اللہ علیہ وآلہ وسلم نے ہمیں سونے کی انگوٹھی سے منع فرمایا ہے۔ [مصنف ابن ابي شيبه/كتاب اللباس/حدیث: 26769]