حضرت جعفر، اپنے والد کے بارے میں روایت کرتے ہیں۔ کہتے ہیں کہ میرے والد کی انگوٹھی میں نقش تھا۔ العزۃ لِلّٰہ جمیعا۔ (ساری عزت اللہ کے لئے ہے۔) [مصنف ابن ابي شيبه/كتاب اللباس/حدیث: 26740]

محمد سے روایت ہے۔ وہ کہتے ہیں کہ حضرت عبید اللہ بن زیاد کی انگوٹھی کا نقش تدرجۃ تھا۔ [مصنف ابن ابي شيبه/كتاب اللباس/حدیث: 26741]

حضرت ابن عون سے روایت ہے۔ وہ کہتے ہیں کہ حضرت محمد کی انگوٹھی کا نقش ان کی کنیت تھا۔ [مصنف ابن ابي شيبه/كتاب اللباس/حدیث: 26742]

حضرت ابن عون، حسن کے بارے میں روایت کرتے ہیں۔ کہتے ہیں کہ آپ کی انگوٹھی کے نقش میں خطوط تھیں۔ [مصنف ابن ابي شيبه/كتاب اللباس/حدیث: 26743]

حضرت ابن ابی عدی کہتے ہیں۔ میں نے اس کو اپنے ہاں مکتوب پایا۔ [مصنف ابن ابي شيبه/كتاب اللباس/حدیث: 26744]

حضرت حنظلہ سے روایت ہے۔ وہ کہتے ہیں کہ میں نے حضرت قاسم اور حضرت سالم پر دو انگوٹھیاں دیکھیں۔ حضرت قاسم کی انگوٹھی میں ان کا نام تھا اور حضرت سالم کی انگوٹھی میں ان کا نا م تھا۔ [مصنف ابن ابي شيبه/كتاب اللباس/حدیث: 26745]

حضرت ہشام، حضرت محمد کے بارے میں روایت کرتے ہیں کہ وہ اس بات میں کوئی حرج نہیں دیکھتے تھے کہ آدمی اپنی انگوٹھی میں حسبی اللّٰہ وغیرہ لکھے۔ [مصنف ابن ابي شيبه/كتاب اللباس/حدیث: 26746]

حضرت انس سے روایت ہے۔ کہ حضرت عمر نے فرمایا: تم اپنی انگشتریوں میں عربی میں نہ لکھو اور نہ نقش کرو۔ [مصنف ابن ابي شيبه/كتاب اللباس/حدیث: 26747]

حضرت ابو جعفر سے روایت ہے۔ وہ کہتے ہیں کہ حضرت علی رضی اللہ عنہ کی انگوٹھی میں تھا اللّٰہ الملک۔ اللہ بادشاہ۔ [مصنف ابن ابي شيبه/كتاب اللباس/حدیث: 26748]

حضرت ابراہیم سے روایت ہے۔ وہ کہتے ہیں کہ جناب نبی کریم صلی اللہ علیہ وآلہ وسلم کی انگوٹھی چاندی کی تھی۔ اس میں تھا۔ محمد رسول اللّٰہ۔ [مصنف ابن ابي شيبه/كتاب اللباس/حدیث: 26749]