حضرت ہشام فرماتے ہیں کہ ان کے والد حضرت عروہ نے ارشاد فرمایا: کہ تو رات میں یوں لکھا ہے کہ تم اپنے محبوب اور اپنے والد کے محبوب سے محبت کرو۔ [مصنف ابن ابي شيبه/ كتاب الأدب/حدیث: 28054]

حضرت ابو سلمہ بن عبد اللہ بن عمر رحمہ اللہ فرماتے ہیں کہ حضرت عمر بن خطاب نے ارشاد فرمایا: تم اپنے صحیفوں پر مٹی چھڑک لیا کرو، یہ اس کے مقصد میں کامیابی ہے۔ [مصنف ابن ابي شيبه/ كتاب الأدب/حدیث: 28055]

حضرت جابر فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: کہ تم اپنے صحیفوں پر مٹی چھڑک لیا کرو، یہ اس کے مقصد میں کامیابی ہے، اور مٹی بابرکت چیز ہے۔ [مصنف ابن ابي شيبه/ كتاب الأدب/حدیث: 28056]

امام شعبی فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: تم اپنے صحیفوں پر مٹی چھڑک لیا کرو، یہ بہت برکت کا باعث ہے۔ [مصنف ابن ابي شيبه/ كتاب الأدب/حدیث: 28057]

امام شعبی فرماتے ہیں کہ حضرت ابن عباس رضی اللہ عنہما نے ارشاد فرمایا کہ میں سمجھتا ہوں کہ خط کا جواب دینا مجھ پر سلام کے جواب دینے کی طرح لازم ہے۔ [مصنف ابن ابي شيبه/ كتاب الأدب/حدیث: 28058]

حضرت عامر فرماتے ہیں کہ حضرت ابن عمر رضی اللہ عنہما نے ارشاد فرمایا؛ کہ میں پروا نہیں کرتا کہ میں کسی سواری پر دس کا دسواں ہوں اس بات کے بعد کہ وہ ہمیں اٹھانے کی طاقت رکھتا ہو۔ [مصنف ابن ابي شيبه/ كتاب الأدب/حدیث: 28059]

حضرت عکرمہ فرماتے ہیں کہ نبی کریم صلی اللہ علیہ وآلہ وسلم کو بنو عبد المطلب کے دو لڑکے ملے تو آپ صلی اللہ علیہ وآلہ وسلم نے ان میں سے ایک کو اپنے آگے اور دوسرے کو پیچھے سوار کرلیا۔ [مصنف ابن ابي شيبه/ كتاب الأدب/حدیث: 28060]

حضرت ابن ابی ملیکہ فرماتے ہیں کہ حضرت عبد اللہ بن جعفر نے حضرت ابن زبیر سے فرمایا کہ کیا تمہیں یاد ہے کہ جب رسول اللہ صلی اللہ علیہ وآلہ وسلم مجھے، تمہیں اور ابن عباس رضی اللہ عنہما کو ملے تھے؟ آپ نے فرمایا: ہاں، تو آپ صلی اللہ علیہ وآلہ وسلم نے ہم دونوں کو سوار کرلیا تھا اور تمہیں چھوڑ دیا تھا۔ [مصنف ابن ابي شيبه/ كتاب الأدب/حدیث: 28061]

حضرت عبد اللہ بن جعفر فرماتے ہیں کہ رسول اللہ صلی اللہ علیہ وآلہ وسلم جب کسی سفر سے واپس آتے اور ہم سے ملاقات ہوجاتی تو آپ صلی اللہ علیہ وآلہ وسلم مجھ سے اور حضرت حسن یا حضرت حسین سے ملتے پھر آپ صلی اللہ علیہ وآلہ وسلم ایک کو اپنے آگے اور دوسرے کو اپنے پیچھے سوار کرلیتے یہاں تک کہ ہم مدینہ منورہ میں داخل ہوجاتے۔ [مصنف ابن ابي شيبه/ كتاب الأدب/حدیث: 28062]

حضرت سفیان عطار فرماتے ہیں کہ میں نے امام شعبی کو دیکھا کہ وہ سواری پر کسی آدمی کے پیچھے بیٹھے ہوئے تھے۔ [مصنف ابن ابي شيبه/ كتاب الأدب/حدیث: 28063]