حضرت ربیع فرماتے ہیں کہ حضرت ابن سیرین نے ارشاد فرمایا کہ زندہ اور مردہ کے مشک لگانے میں کوئی حرج نہیں۔ [مصنف ابن ابي شيبه/ كتاب الأدب/حدیث: 28044]

حضرت ابن ابی روّاد فرماتے ہیں کہ حضرت ضحاک نے ارشاد فرمایا: کہ مشک تو مردار اور خون ہے۔ [مصنف ابن ابي شيبه/ كتاب الأدب/حدیث: 28045]

حضرت لیث فرماتے ہیں کہ حضرت مجاہد نے قرآن مجید کے نسخہ میں مشک لگانے کو مکروہ سمجھا۔ [مصنف ابن ابي شيبه/ كتاب الأدب/حدیث: 28046]

حضرت ربیع فرماتے ہیں کہ حضرت حسن بصری زندہ اور مردہ کے مشک لگانے کو مکروہ سمجھتے تھے۔ [مصنف ابن ابي شيبه/ كتاب الأدب/حدیث: 28047]

حضرت علی بن عمارہ رحمہ اللہ فرماتے ہیں کہ حضرت ابو ایوب آئے اور انہوں نے ارادہ کیا کہ وہ ہماری بغیر دیوار کی چھت پر رات گزاریں، فرمایا کہ قریب تھا کہ میں آج رات اس حال میں گزارتا کہ میرے لیے حفاظت کا کوئی ذمہ نہ ہوتا۔ [مصنف ابن ابي شيبه/ كتاب الأدب/حدیث: 28048]

حضرت علاء بن عبد الرحمن فرماتے ہیں کہ میں نے حضرت مجاہد سے سوال کیا اس شخص کے بارے میں جو بغیر دیوار والی چھت پر سو جائے؟ حضرت مجاہد نے فرمایا: یہ تو اس شخص کو کہا جاتا ہے جو گرتا ہے تو مرجاتا ہے۔ [مصنف ابن ابي شيبه/ كتاب الأدب/حدیث: 28049]

حضرت ابن ابی حسین فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا کہ قطع رحمی مت کرو اس سے جو تمہارے والد سے صلہ رحمی کرتا تھا، اس سے تمہارا نور بجھ جائے گا اس لیے کہ تمہارا تعلق دار تمہارے والد کا تعلق دار ہے۔ [مصنف ابن ابي شيبه/ كتاب الأدب/حدیث: 28050]

حضرت عون بن عبد اللہ فرماتے ہیں کہ حضرت عبد اللہ بن مسعود رضی اللہ عنہ نے ارشاد فرمایا: کہ اس کے ساتھ صلح رحمی کرو جس کے ساتھ تمہارے والد صلہ رحمی کرتے تھے اس لیے کہ قبر میں موجود میت سے صلح رحمی یہی ہے کہ تم اس شخص سے صلہ رحمی کرو جس سے یہ صلہ رحمی کرتا تھا۔ [مصنف ابن ابي شيبه/ كتاب الأدب/حدیث: 28051]

حضرت بلال فرماتے ہیں کہ ان کے والد حضرت ابو بردہ نے ارشاد فرمایا: کہ آدمی کی اپنے والد سے صلہ رحمی میں سے یہ بھی ہے کہ وہ اس کے بھائیوں سے صلہ رحمی کرے جن سے وہ خود صلہ رحمی کرتا تھا۔ [مصنف ابن ابي شيبه/ كتاب الأدب/حدیث: 28052]

حضرت حماد فرماتے ہیں کہ میرا گمان ہے کہ یہ حضرت ابو موسیٰ رضی اللہ عنہ سے مروی ہے اور حضرت حماد سے پوچھا گیا کہ کیا بلال بن ابو بردہ مراد ہیں۔ آپ نے فرمایا: جی ہاں۔ [مصنف ابن ابي شيبه/ كتاب الأدب/حدیث: 28053]