حضرت منصور فرماتے ہیں کہ حضرت ابراہیم نے ارشاد فرمایا: کوئی حرج نہیں ہے علم نجوم اور چاند کا علم سیکھنے میں جو اس کے ذریعہ راستہ معلوم کرے۔ [مصنف ابن ابي شيبه/ كتاب الأدب/حدیث: 27304]

حضرت طاؤس فرماتے ہیں کہ حضرت ابن عباس رضی اللہ عنہما نے ارشاد فرمایا: وہ لوگ ستاروں اور حروف ابجد میں غور و فکر کرتے ہیں۔ آپ نے فرمایا: میری رائے ہے کہ ان لوگوں کا آخر ت میں کوئی حصہ نہیں ہے۔ [مصنف ابن ابي شيبه/ كتاب الأدب/حدیث: 27305]

حضرت ابو نضرہ فرماتے ہیں کہ حضرت عمر نے ارشاد فرمایا: تم لوگ ان ستاروں کا علم سیکھو اور اس کے ذریعہ سمندر اور زمین کے اندھیروں میں راستہ معلوم کیا کرو پھر تم رک جاؤ۔ [مصنف ابن ابي شيبه/ كتاب الأدب/حدیث: 27306]

حضرت نافع فرماتے ہیں کہ حضرت ابن عمر رضی اللہ عنہما اپنے بیٹے کو زبان کی غلطی (لحن) کرنے پر مارتے تھے۔ [مصنف ابن ابي شيبه/ كتاب الأدب/حدیث: 27307]

حضرت عمر بن زید فرماتے ہیں کہ حضرت عمر نے حضرت ابو موسیٰ اشعری کو خط لکھا اور فرمایا: حمد و صلوۃ کے بعد، تم لوگ سنت میں سمجھ بوجھ پیدا کرو، اور عربی زبان میں بھی سمجھ بوجھ پیدا کرو۔ [مصنف ابن ابي شيبه/ كتاب الأدب/حدیث: 27308]

حضرت یحییٰ بن ابی کثیر فرماتے ہیں کہ حضرت سلیمان بن داؤد نے اپنے بیٹے سے ارشاد فرمایا: جو شخص اپنے دشمن کو غصہ دلانا چاہے تو اس کو چاہیے کہ اپنے بچوں سے لاٹھی مت اٹھائے۔ [مصنف ابن ابي شيبه/ كتاب الأدب/حدیث: 27309]

حضرت ابن عون فرماتے ہیں کہ محمد نے ارشاد فرمایا: وہ حضرات فرمایا کرتے تھے کہ اپنے بچے کی عزت کرو اور اس کو اچھا ادب سکھلاؤ۔ [مصنف ابن ابي شيبه/ كتاب الأدب/حدیث: 27310]

حضرت ابن عون فرماتے ہیں کہ حضرت امام محمد سے علم نحو کے بارے میں پوچھا گیا؟ آپ نے فرمایا: میں کوئی حرج نہیں سمجھتا اگر اس میں کوئی سرکشی نہ ہو۔ [مصنف ابن ابي شيبه/ كتاب الأدب/حدیث: 27311]

حضرت زیاد بن فیاض فرماتے ہیں کہ حضرت عمرو بن میمون یوں کہنے کو مکروہ سمجھتے تھے، نہیں، اللہ کا شکر ہے۔ [مصنف ابن ابي شيبه/ كتاب الأدب/حدیث: 27312]

حضرت مغیرہ فرماتے ہیں کہ حضرت ابراہیم مکروہ سمجھتے تھے یوں کہنے کو… نہیں، اللہ کا شکر ہے۔ اور فرماتے ہیں کہ یوں کہا کرو۔ جی ہاں! اللہ کا شکر ہے۔ [مصنف ابن ابي شيبه/ كتاب الأدب/حدیث: 27313]