حضرت منصور فرماتے ہیں کہ حضرت عبد اللہ بن مسعود رضی اللہ عنہ نے ارشاد فرمایا: تم اپنے کپڑے کو مت پھیلایا کرو مگر اس شخص کے سامنے جو اس کو تلاش کرے۔ [مصنف ابن ابي شيبه/ كتاب الأدب/حدیث: 27284]

حضرت مسلم فرماتے ہیں کہ حضرت مسروق نے ارشاد فرمایا؛ تو اپنے کپڑے کو مت پھیلا مگر اس شخص کے سامنے جو اس کا طالب ہو۔ [مصنف ابن ابي شيبه/ كتاب الأدب/حدیث: 27285]

حضرت ایوب فرماتے ہیں کہ حضرت ابو قلابہ نے ارشاد فرمایا: تو حدیث بیان مت کر مگر اس شخص کو جو اس کے مرتبہ کو پہچانتا ہو، پس بیشک جو اس کے مرتبہ کو نہیں پہچانتا یہ بات اس کو نقصان پہنچائے گی اس کو نفع نہیں پہنچائے گی۔ [مصنف ابن ابي شيبه/ كتاب الأدب/حدیث: 27286]

حضرت عمار الدھنی فرماتے ہیں کہ حضرت سعید بن جبیر نے ارشاد فرمایا: میں اپنا کپڑا نہیں پھیلاتا مگر اس شخص کے سامنے جو اس کا طالب ہو۔ [مصنف ابن ابي شيبه/ كتاب الأدب/حدیث: 27287]

حضرت ابن معقل فرماتے ہیں کہ حضرت ابن مسعود نے ارشاد فرمایا: تو اپنے سامان کو مت پھیلا مگر اس شخص کے سامنے جو اس کا طالب ہو۔ [مصنف ابن ابي شيبه/ كتاب الأدب/حدیث: 27288]

حضرت ابن عباس رضی اللہ عنہما فرماتے ہیں کہ رسول اللہ صلی اللہ علیہ وآلہ وسلم نے ارشادفرمایا: تمہارے سرموں میں سب سے بہترین اثمد ہے، جو بینائی کو روشن کرتا ہے اور بالوں کو اگاتا ہے۔ [مصنف ابن ابي شيبه/ كتاب الأدب/حدیث: 27289]

حضرت جابر فرماتے ہں ف کہ میں نے رسول اللہ صلی اللہ علیہ وآلہ وسلم کو یوں فرماتے ہوئے سنا کہ سونے کے وقت اثمد سرمہ کو لازم پکڑ لو اس لیے کہ وہ بینائی تیز کرتا ہے اور بالوں کو اگاتا ہے۔ [مصنف ابن ابي شيبه/ كتاب الأدب/حدیث: 27290]

حضرت حفصہ فرماتی ہیں کہ حضرت انس ہر آنکھ میں تین مرتبہ سرمہ لگاتے تھے۔ [مصنف ابن ابي شيبه/ كتاب الأدب/حدیث: 27291]

حضرت عاصم فرماتے ہیں کہ حضرت ابن سیرین اس آنکھ میں دو مرتبہ اور اس آنکھ میں دو مرتبہ سرمہ لگاتے تھے اور ایک مرتبہ ان دونوں کے درمیان میں لگاتے تھے۔ [مصنف ابن ابي شيبه/ كتاب الأدب/حدیث: 27292]

حضرت عمران بن ابی انس رحمہ اللہ فرماتے ہیں کہ نبی کریم صلی اللہ علیہ وآلہ وسلم اثمد سرمہ آنکھوں میں لگاتے تھے۔ تین سلائیاں دائیں آنکھ میں اور دو سلائیاں بائیں آنکھ میں لگاتے تھے۔ [مصنف ابن ابي شيبه/ كتاب الأدب/حدیث: 27293]