حسن بصری نے ارشاد فرمایا: آدمیوں اور عورتوں کے زخم نصف دیت تک برابر ہیں اور جب نصف تک پہنچ جائیں تو پھر ان میں نصف ہوگا۔ [مصنف ابن ابي شيبه/كتاب الديات/حدیث: 29301]

حضرت یحییٰ بن سعید فرماتے ہیں کہ حضرت سعید بن مسیب نے ارشاد فرمایا: عورت کی دیت آدمی کی دیت کے برابر تہائی تک ہوگی، عورت کی انگلی آدمی کی انگلی کی طرح ہوگی اور اس کا دانت آدمی کے دانت کی طرح اور اس کا گہرا زخم اس کے گہرے زخم کی طرح اور اس کے سر کا زخم آدمی کے سر کے زخم کی طرح ہوگا۔ [مصنف ابن ابي شيبه/كتاب الديات/حدیث: 29302]

حضرت شعبی فرماتے ہیں کہ حضرت علی رضی اللہ عنہ نے ارشاد فرمایا: عورتوں اور آدمیوں کے زخم ہر عضو میں برابر ہیں۔ [مصنف ابن ابي شيبه/كتاب الديات/حدیث: 29303]

حضرت عبداللہ بن ذکوان ابو الزناد فرماتے ہیں کہ حضرت عمر بن عبدالعزیز نے ارشاد فرمایا: عورت کے گہرے زخم اور سر کے زخم میں جس سے ہڈیوں کے ریزے برآمد ہوں اور دانت میں آدمی کے مثل ہے دیت میں۔ [مصنف ابن ابي شيبه/كتاب الديات/حدیث: 29304]

حضرت سفیان کسی آدمی سے نقل کرتے ہیں کہ حضرت عروہ بن زبیر نے ارشاد فرمایا: عورت کے سر کا زخم، گہرا زخم اور اس کے دانت کا ٹوٹنا دیت میں آدمی کے مثل ہے۔ [مصنف ابن ابي شيبه/كتاب الديات/حدیث: 29305]

حضرت ربیعہ بن ابو عبدالرحمن فرماتے ہیں کہ میں نے حضرت سعیدبن مسیب سے دریافت کیا عورت کی چھنگلی ٹوٹنے میں کیا لازم ہوتا ہے؟ آپ نے فرمایا: دس اونٹ، میں نے پوچھا: اور ان دونوں میں یعنی چھنگلی اور اس کے ساتھ ملی ہوئی انگلی میں؟ آپ نے فرمایا: بیس اونٹ، میں نے پوچھا! ان تین انگلیوں میں کیا لازم ہوتا ہے؟ آپ نے فرمایا: تیس اونٹ میں نے چاروں انگلیوں کی طرف اشارہ کر کے پوچھا! ان میں کیا لازم ہوتا ہے؟ آپ نے فرمایا: بیس اونٹ راوی کہتے ہیں: میں نے عرض کی؟ جب اس کا درد بڑھ گیا اور تکلیف زیادہ ہوگئی تو اس کی دیت کم کیوں ہوئی؟ آپ نے فرمایا: کیا تم عراق کے رہنے والے ہو؟ میں نے عرض کی: (میں) یا تو محقق عالم ہوں یا سیکھنے والا جاہل طالبعلم! آپ نے جواب دیا: اے میرے بھتیجے یہ سنت ہے۔ [مصنف ابن ابي شيبه/كتاب الديات/حدیث: 29306]

حضرت حکم بن عتیبہ فرماتے ہیں کہ حضرت شریح نے ہشام بن ھبیرہ کو خط لکھا: عورت کی دیت آدمی کی دیت سے نصف ہے مگر دانت اور سر کے زخم میں۔ [مصنف ابن ابي شيبه/كتاب الديات/حدیث: 29307]

حضرت سعید بن مسیب اور حضرت عمر بن عبدالعزیز ان دونوں حضرات نے ارشاد فرمایا: آدمی اور عورت کی دیت عورت کی ثلث دیت تک برابر ہوگی پھر دونوں میں فرق ہوگا۔ [مصنف ابن ابي شيبه/كتاب الديات/حدیث: 29308]

حضرت مکحول حضرت عمر بن عبدالعزیز سے نقل کرتے ہیں کہ ان دونوں حضرات نے ارشاد فرمایا: آدمی اور عورت کی دیت عورت کی ثلث دیت تک برابر ہوگی پھر دونوں میں فرق ہوگا۔ [مصنف ابن ابي شيبه/كتاب الديات/حدیث: 29309]

حضرت سمرہ بن جندب فرماتے ہیں کہ میں نے رسول اللہ صلی اللہ علیہ وآلہ وسلم کو یوں ارشاد فرماتے ہوئے سنا! جس شخص نے اپنے غلام کو قتل کیا ہم بدلے میں اسے قتل کریں گے اور جس نے اپنے غلام کی ناک کاٹ دی تو ہم اس کی ناک کاٹ دیں گے۔ [مصنف ابن ابي شيبه/كتاب الديات/حدیث: 29310]