حضرت ابن جریج فرماتے ہیں کہ حضرت عطاء سے ایسے شخص کے بارے میں مروی ہے جو کسی گھرو الوں پر داخل ہوا اور اس نے ان پر تہمت لگادی۔ آپ نے فرمایا: ایک حد ہوگی۔ [مصنف ابن ابي شيبه/كتاب الحدود/حدیث: 30071]

حضرت عبدالکریم فرماتے ہیں کہ حضرت طاؤس نے ارشاد فرمایا: ایک ہی حد ہوگی۔ [مصنف ابن ابي شيبه/كتاب الحدود/حدیث: 30072]

حضرت ادریس فرماتے ہیں کہ حضرت حماد نے ارشاد فرمایا: اس کو ایک ہی سزا دی جائے گی۔ [مصنف ابن ابي شيبه/كتاب الحدود/حدیث: 30073]

حضرت ہشام بن عروہ فرماتے ہیں کہ حضرت عروہ سے ایسے شخص کے بارے میں مروی ہے جس نے پوری قوم پر تہمت لگائی ہو۔ آپ نے فرمایا: اگر اس نے ایک ہی کلام میں تہمت لگائی تو اس پر ایک ہی حد لازم ہوگی، اور اگر اس نے الگ الگ تہمت لگائی تو اس پر ان میں سے ہر ایک کی وجہ سے سزا لازم ہوگی۔ اور چور کا بھی یہ ہی حکم ہے۔ [مصنف ابن ابي شيبه/كتاب الحدود/حدیث: 30074]

حضرت مغیرہ فرماتے ہیں کہ ابراہیم نے ارشاد فرمایا: جس شخص نے کسی یہودی یا عیسائی پر تہمت لگائی تو اس پر حد نہیں ہوگی۔ [مصنف ابن ابي شيبه/كتاب الحدود/حدیث: 30126]

حضرت شعبی سے بھی مذکورہ ارشاد اس سند سے منقول ہے۔ [مصنف ابن ابي شيبه/كتاب الحدود/حدیث: 30075]

حضرت یونس فرماتے ہیں کہ حضرت حسن بصری بھی یہ ہی فرمایا کرتے تھے۔ [مصنف ابن ابي شيبه/كتاب الحدود/حدیث: 30076]

حضرت ہشام فرماتے ہیں کہ حضرت عروہ نے ارشاد فرمایا: ذمی پر تہمت لگانے والے پر حد نہیں ہوگی۔ [مصنف ابن ابي شيبه/كتاب الحدود/حدیث: 30077]

حضرت طاؤس حضرت مجاہد وغیرہ ان سب حضرات نے ارشاد فرمایا: جب یہودی اور عیسائی عورت کسی مسلمان کے تحت ہوں تو ان کے درمیان لعان نہیں ہوگا اور نہ ہی ان دونوں پر تہمت لگانے والے پر حد ہوگی۔ [مصنف ابن ابي شيبه/كتاب الحدود/حدیث: 30078]

اور حضرت حکم نے ابراہیم سے نقل کیا کہ ان حضرات نے ارشاد فرمایا: جب یہودی اور عیسائی عورت کسی مسلمان کے تحت ہوں تو ان کے درمیان لعان نہیں ہوگا اور نہ ہی ان دونوں پر تہمت لگانے والے پر حد ہوگی۔ [مصنف ابن ابي شيبه/كتاب الحدود/حدیث: 30079]