حضرت اشعث فرماتے ہیں کہ حضرت حسن بصری فرمایا کرتے تھے: کسی ایسے ارادی اور غیر ارادی جرم میں غلام کا اقرار معتبر نہیں ہے جس میں اس کی جان جاتی ہو۔ [مصنف ابن ابي شيبه/كتاب الحدود/حدیث: 30051]

حضرت ابو مالک اشجعی فرماتے ہیں کہ اہل ھرمز اور حی بیان کرتے ہیں کہ ھرمز حضرت علی رضی اللہ عنہ کی خدمت میں آیا اور کہنے لگا: بیشک میں نے حد کو پا لیا ہے آپ نے فرمایا: اللہ سے توبہ کرو اور اور اپنے گناہ کو چھپاؤ اس نے کہا اے امیرالمومنین! آپ مجھے پاک کردیں۔ آپ نے فرمایا: اے قنبر! کھڑے ہوجاؤ اور اس پر حد لگاؤ اور یہ خود ہی اپنی سزا شمار کرے گا پس جب یہ تمہیں روک دے تو رک جانا اور ھرمز ایک غلام تھا۔ [مصنف ابن ابي شيبه/كتاب الحدود/حدیث: 30052]

حضرت یوسف بن ماھک فرماتے ہیں کہ اہل مکہ میں سے کسی کے غلام نے حضرت صفوان بن امیہ کی چادر چوری کرلی پس اسے نبی کریم صلی اللہ علیہ وآلہ وسلم کے پاس لایا گیا تو آپ صلی اللہ علیہ وآلہ وسلم نے اس کا ہاتھ کاٹنے کا حکم دیا اس پر حضرت صفوان کہنے لگے: یا رسول اللہ صلی اللہ علیہ وآلہ وسلم! آپ صلی اللہ علیہ وآلہ وسلم میرے کپڑے کی وجہ سے اس کا ہاتھ کاٹیں گے؟ آپ صلی اللہ علیہ وآلہ وسلم نے فرمایا: پس یہ بات تم نے اس کو میرے پاس لانے سے پہلے کیوں نہ سوچی؟ [مصنف ابن ابي شيبه/كتاب الحدود/حدیث: 30053]

حضرت عبدالملک بن أبی سلیمان فرماتے ہیں کہ حضرت عطاء سے ایسے غلام کے بارے میں مروی ہے جو چوری کرتا ہو۔ آپ نے فرمایا: اس کا ہاتھ کاٹ دیا جائے گا۔ [مصنف ابن ابي شيبه/كتاب الحدود/حدیث: 30054]

حضرت عبداللہ بن عامر فرماتے ہیں کہ حضرت ابوبکر نے ایک غلام کا ہاتھ کاٹ دیا جس نے چوری کی تھی۔ [مصنف ابن ابي شيبه/كتاب الحدود/حدیث: 30055]

اسماعیل فرماتے ہیں کہ حضرت شعبی سے چار آدمیوں کے بارے میں مروی ہے جنہوں نے ایک آدمی کے خلاف زنا کرنے کی گواہی دی اور ان میں سے ایک گواہ عادل نہیں تھا؟ آپ نے فرمایا: ان گواہوں سے حد ختم کردی جائے گی اس لیے کہ وہ چار ہیں۔ [مصنف ابن ابي شيبه/كتاب الحدود/حدیث: 30056]

حضرت اشعث فرماتے ہیں کہ حضرت شعبی نے ارشاد فرمایا: جب چار گواہوں نے زنا کی گواہی دی اور وہ سارے کے سارے عادل نہیں تھے تو ان کو کوڑے نہیں مارے جائیں گے۔ [مصنف ابن ابي شيبه/كتاب الحدود/حدیث: 30057]

حضرت اشعث فرماتے ہیں کہ حسن بصری نے ارشاد فرمایا: جب چار آدمیوں نے ایک آدمی کے خلاف زنا کی گواہی دی اور ان چار کو عادل قرار نہیں دیا گیا تو ان سے حد ختم ہوجائے گی اور ان میں سے کسی کو بھی کوڑے نہیں مارے جائیں گے۔ [مصنف ابن ابي شيبه/كتاب الحدود/حدیث: 30058]

حضرت عبدالرحمن فرماتے ہیں کہ میں حضرت علی رضی اللہ عنہ کے پاس بیٹھا ہوا تھا کہ ایک آدمی آیا اور کہنے لگا! اے امیرالمومنین! بیشک میں نے چوری کی ہے پس آپ نے اس کو خوب جھڑک دیا، وہ دوسری مرتبہ پھر لوٹا اور کہنے لگا بیشک میں نے چوری کی ہے اس پر حضرت علی رضی اللہ عنہ نے اس سے فرمایا: تحقیق تو نے اپنے خلاف دو مرتبہ گواہی دے دی ہے۔ راوی کہتے ہیں: پس آپ نے اس کے بارے میں حکم دیا تو اس کا ہاتھ کاٹ دیا گیا میں نے اس کے ہاتھ کو لٹکے ہوئے دیکھا اس کی گردن میں۔ [مصنف ابن ابي شيبه/كتاب الحدود/حدیث: 30059]

حضرت سبیع ابو سالم فرماتے ہیں کہ میں حضرت حسن بن علی رضی اللہ عنہ کے پاس حاضر تھا اس حال میں ایک آدمی کو پکڑ کر لایا گیا جس نے چوری کا اقرار کیا تھا اس پر حضرت حسن نے فرمایا شاید تو نے چھین لیا ہوتا کہ وہ کہہ دے نہیں۔ یہاں تک کہ اس شخص نے آپ کے پاس دو یا تین مرتبہ اقرار کرلیا پس آپ کے حکم سے اس کا ہاتھ کاٹ دیا گاا۔ [مصنف ابن ابي شيبه/كتاب الحدود/حدیث: 30060]