حضرت ابو معشر فرماتے ہیں کہ حضرت ابراہیم سے ایسی لڑکی کے بارے میں مروی ہے جس کی شادی ہو سو اس کے ساتھ دخول کیا گیا پھر اس نے فحش کام کیا۔ آپ نے فرمایا: اس پر حد جاری نہیں ہوگی یہاں تک کہ اس کو حیض آجائے۔ [مصنف ابن ابي شيبه/كتاب الحدود/حدیث: 30031]

حضرت شعبہ فرماتے ہیں کہ حضرت حکم نے ارشاد فرمایا: لڑکی پر حد جاری نہیں ہوگی یہاں تک کہ اسے حیض آجائے۔ [مصنف ابن ابي شيبه/كتاب الحدود/حدیث: 30032]

حضرت معمر فرماتے یں کہ حضرت زہری نے ارشادفرمایا: لڑکی پر حد جاری نہیں ہوگی یہاں تک کہ اسے حیض آجائے یا اس کی ہم عمروں کو حیض آجائے۔ [مصنف ابن ابي شيبه/كتاب الحدود/حدیث: 30033]

حضرت جویبر فرماتے ہیں کہ حضرت ضحاک نے ارشاد فرمایا: لڑکی پر حد جاری نہیں ہوگی یہاں تک کہ اسے حیض آجائے یا اس کی ہم عمروں کو حیض آجائے۔ [مصنف ابن ابي شيبه/كتاب الحدود/حدیث: 30034]

حضرت یحییٰ بن سعید فرماتے ہیں کہ حضرت ابوبکر بن عمرو بن حزم کے بارے میں مروی ہے کہ آپ کے پاس ایک لڑکی لائی گئی جو حیض کی حالت کو نہیں پہنچی تھی اس نے ایک لڑکے کو پکڑ کر اسے قتل کردیا اور جو کچھ اس کے پاس موجود تھا اسے غائب کردیا پس جب آپ نے دیکھا کہ اس لڑکی نے بڑوں جیسی چال چلی ہے تو آپ نے اس کے بارے میں حکم دیا سو اسے قتل کردیا گیا۔ [مصنف ابن ابي شيبه/كتاب الحدود/حدیث: 30035]

حضرت ابوبکر فرماتے ہیں کہ میں نے حضرت مکحول کو یوں فرماتے ہوئے سنا: جب لڑکا پندرہ سال کی عمر کو پہنچ جائے تو اس کی گواہی جائز ہوجاتی ہے اور اس پر سزا ثابت ہوجائے گی۔ [مصنف ابن ابي شيبه/كتاب الحدود/حدیث: 30036]

حضرت مغیرہ فرماتے ہیں کہ حضرت ابراہیم نے ارشاد فرمایا: جب ایک شخص نے کئی بارچوری کی تو اس کا ایک ہی ہاتھ کاٹا جائے گا اور جب اس نے کئی بار شراب پی اور جب اس نے کئی بار تہمت لگائی تو اس پر ایک ہی حدلازم ہوگی۔ [مصنف ابن ابي شيبه/كتاب الحدود/حدیث: 30037]

حضرت عمرو فرماتے ہیں کہ حضرت حسن بصری سے ایسے آدمی کے بارے میں مرو ی ہے جس کو پکڑا گیا اس حال میں کہ اس نے ایک عورت سے کئی مرتبہ زنا کیا یا کئی عورتوں سے کئی مرتبہ زنا کیا؟ آپ نے فرمایا: ایک سزا ہوگی اور چور کو پکڑ لیا گیا جس نے کئی مرتبہ چوری کی تھی اس کے بارے میں ایسا ہی فرمایا۔ [مصنف ابن ابي شيبه/كتاب الحدود/حدیث: 30038]

حضرت اشعث فرماتے ہیں کہ حضرت ابن سیرین نے فرمایا: وہ یوں فرمایا کرتے تھے یا یوں کہا جاتا تھا جب اس نے بہت سی چوریاں کیں پھر ایک آدمی کی وجہ سے اس کا ہاتھ کاٹ دیا گیا تو یہ ان تمام چوریوں کی سزا ہوگی۔ [مصنف ابن ابي شيبه/كتاب الحدود/حدیث: 30039]

حضرت ہشام دستوائی فرماتے ہیں کہ حضرت حماد نے ارشاد فرمایا: جب ایک شخص نے کئی بار چوری کی اور لوگ اس پر قابو نہ پاسکے مگر بعد میں جا کر تو اس کا ایک ہی ہاتھ کاٹا جائے گا۔ [مصنف ابن ابي شيبه/كتاب الحدود/حدیث: 30040]