حضرت ابو موسیٰ فرماتے ہیں کہ نبی صلی اللہ علیہ وآلہ وسلم نے ارشاد فرمایا: مثال: اس مومن کی جو قرآن شریف نہ پڑھے کھجور کی سی ہے کہ مزہ شیریں ہوتا ہے مگر خوشبو کچھ نہیں اور مثال اس مومن کی جو قرآن شریف پڑھے ترنج کی سی ہے کہ مزہ لذیذ اور خوشبو بھی عمدہ۔ اور مثال اس گنہگار کی جو قرآن نہ پڑھے حنظل کے پھل کی سی ہے جس کا ذائقہ کڑوا ہے اور اس میں خوشبو نہیں ہوتی۔ [مصنف ابن ابي شيبه/كتاب فضائل القرآن/حدیث: 32173]

حضرت اعمش فرماتے ہیں کہ حضرت ابو عبد الرحمن نے ارشاد فرمایا: قرآن تو اکیلا ہے اور یہ شور کے ساتھ پڑھے جانے کی صلاحیت نہیں رکھتا۔ [مصنف ابن ابي شيبه/كتاب فضائل القرآن/حدیث: 32174]

حضرت حسن فرماتے ہیں کہ حضرت قیس بن عباد نے ارشاد فرمایا: کہ رسول اللہ صلی اللہ علیہ وآلہ وسلم کے صحابہ ذکر کے وقت آواز بلند کرنے کو ناپسند کرتے تھے۔ [مصنف ابن ابي شيبه/كتاب فضائل القرآن/حدیث: 32175]

حضرت حسن فرماتے ہیں کہ نبی کریم صلی اللہ علیہ وآلہ وسلم قرآن پڑھتے وقت آواز بلند کرنے کو ناپسند کرتے تھے۔ [مصنف ابن ابي شيبه/كتاب فضائل القرآن/حدیث: 32176]

حضرت خیثمہ فرماتے ہیں کہ میں حضرت عبد اللہ بن عمرو رضی اللہ عنہ کے پاس گیا تو وہ قرآن میں دیکھ رہے تھے: راوی کہتے ہیں: میں نے پوچھا! آپ قرآن میں کیا چیز پڑھ رہے ہیں؟ فرمایا: اپنی تلاوت کا وہ حصہ جو میں رات میں پڑھتا ہوں۔ [مصنف ابن ابي شيبه/كتاب فضائل القرآن/حدیث: 32177]

حضرت زرّ فرماتے ہیں کہ حضرت عبد اللہ نے ارشاد فرمایا: مصاحف قرآنی میں اپنی نظر مسلسل جما کے رکھو۔ [مصنف ابن ابي شيبه/كتاب فضائل القرآن/حدیث: 32178]

حضرت ابو موسیٰ فرماتے ہیں کہ حضرت حسن نے فرمایا: بلوائی حضرت عثمان پر داخل ہوئے اس حال میں کہ قرآن ان کی گود میں تھا۔ [مصنف ابن ابي شيبه/كتاب فضائل القرآن/حدیث: 32179]

حضرت ابن علیہ فرماتے ہیں کہ یونس نے ارشاد فرمایا: پہلے لوگوں کے اچھے اخلاق میں سے تھا قرآن میں دیکھنا۔ [مصنف ابن ابي شيبه/كتاب فضائل القرآن/حدیث: 32180]

یونس فرماتے ہیں کہ حضرت احنف بن قیس جب تنہا ہوتے تو قرآن میں دیکھا کرتے تھے۔ [مصنف ابن ابي شيبه/كتاب فضائل القرآن/حدیث: 32181]

حضرت ربیع کی باندی فرماتی ہیں کہ حضرت ربیع قرآن میں دیکھ کر پڑھتے رہتے تھے۔ پس جب کوئی انسان داخل ہوتا تو اس مصحف کو چھپالیتے۔ اور فرماتے: یہ شخص نہ دیکھے کہ میں ہر وقت قرآن میں ہی دیکھ کر پڑھتا ہوں۔ [مصنف ابن ابي شيبه/كتاب فضائل القرآن/حدیث: 32182]