حضرت ابو الاحوص فرماتے ہیں کہ حضرت ابو موسیٰ نے ارشاد فرمایا: اس آیت میں (تمہیں اس کی رحمت سے دو اجر دیے جائیں گے) حبشہ کی زبان میں دو اجر کے معنی میں مستعمل ہے۔ [مصنف ابن ابي شيبه/كتاب فضائل القرآن/حدیث: 31963]

حضرت عمرو بن شرحبیل فرماتے ہیں کہ حضرت عبد اللہ نے ارشاد فرمایا: ان ناشئۃ الیل (بےشک رات کا اٹھنا): حبشہ کی زبان میں رات کے اٹھنے کو کہتے ہیں۔ [مصنف ابن ابي شيبه/كتاب فضائل القرآن/حدیث: 31964]

حضرت جابر فرماتے ہیں کہ حضرت مجاہد نے اللہ کے ارشاد { وَزِنُوا بِالْقِسْطَاسِ الْمُسْتَقِیمِ } (اور تولو صحیح ترازو) کے بارے میں فرمایا: قسطاس رومی زبان میں عدل کو کہتے ہیں۔ [مصنف ابن ابي شيبه/كتاب فضائل القرآن/حدیث: 31965]

حضرت ابن ابی نجیح فرماتے ہیں کہ حضرت عکرمہ نے ارشاد فرمایا: { وَأَنْتُمْ سَامِدُونَ } تم گانا بجانے والے ہو، سامد حمیری زبان میں گانا بجانے کو کہتے ہیں۔ [مصنف ابن ابي شيبه/كتاب فضائل القرآن/حدیث: 31966]

حضرت جابر فرماتے ہیں کہ حضرت مجاہد نے ارشاد فرمایا: { الْقِسْطَاسُ } رومی زبان میں عدل کو کہتے ہیں۔ [مصنف ابن ابي شيبه/كتاب فضائل القرآن/حدیث: 31967]

حضرت سالم فرماتے ہیں کہ حضرت سعید بن جبیر نے ارشاد فرمایا: طہ: نبطی زبان میں ایطہ ہے، اے آدمی کے معنی میں۔ [مصنف ابن ابي شيبه/كتاب فضائل القرآن/حدیث: 31968]

حضرت قرۃ بن خالد فرماتے ہیں کہ حضرت ضحاک نے ارشاد فرمایا: طہ نبطی زبان میں اے آدمی کے معنی میں ہے۔ [مصنف ابن ابي شيبه/كتاب فضائل القرآن/حدیث: 31969]

حضرت خصیف فرماتے ہیں کہ حضرت عکرمہ نے ارشاد فرمایا: طہ: نبطی زبان میں اے آدمی کے معنی میں ہے۔ [مصنف ابن ابي شيبه/كتاب فضائل القرآن/حدیث: 31970]

حضرت عطیہ فرماتے ہیں کہ حضرت ابن عباس رضی اللہ عنہما نے ارشاد فرمایا: { ہَیْتَ لَک } نبطی زبان میں ”تم آ جاؤ۔“ کے معنی میں ہے۔ [مصنف ابن ابي شيبه/كتاب فضائل القرآن/حدیث: 31971]

حضرت عکرمہ فرماتے ہیں کہ حضرت ابن عباس رضی اللہ عنہما آیت { حِجَارَۃً مِنْ سِجِّیلٍ } مٹی کی کنکریاں کے بارے میں فرمایا: یہ فارسی زبان میں سنگ و گل یعنی پتھر اور مٹی ہے۔ [مصنف ابن ابي شيبه/كتاب فضائل القرآن/حدیث: 31972]