حضرت کہف فرماتے ہیں قرآن مجید کی آیت { فَمِنْہُمْ مَنْ قَضَی نَحْبَہُ } میں نحبہ سے مراد نذر ہے، پھر یہ شعر کہتے: قَضَتْ مِنْ یَثْرِب نَحْبَہَا فَاسْتَمَرَّتْ۔ [مصنف ابن ابي شيبه/كتاب فضائل القرآن/حدیث: 31983]

حضرت ابن عمر رضی اللہ عنہما فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: قرآن کی مثال اس اونٹ کی سی ہے جس کو رسی سے باندھ دیا گیا ہو۔ اگر اس کا مالک اس کو باندھے رکھے گا تو وہ رکا رہے گا اور اگر خالی چھوڑ دے گا تو وہ چلا جائے گا۔ [مصنف ابن ابي شيبه/كتاب فضائل القرآن/حدیث: 31984]

حضرت عقبہ بن عامر فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: قرآن کو سیکھو اور اس کی خبر گیری کیا کرو۔ قسم ہے اس ذات کی جس کے قبضہ میں میری جان ہے کہ قرآن پاک جلد نکل جانے والا ہے سینوں سے بہ نسبت حاملہ اونٹنیوں کے اپنی رسیوں سے۔ [مصنف ابن ابي شيبه/كتاب فضائل القرآن/حدیث: 31985]

حضرت ابو موسیٰ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: قرآن کی خبر گیری کیا کرو۔ پس قسم ہے اس ذات کی جس کے قبضہ میں میری جان ہے کہ قرآن جلد نکل جانے والا ہے مردوں کے دلوں سے بہ نسبت اونٹ کے اپنی رسیوں سے۔ [مصنف ابن ابي شيبه/كتاب فضائل القرآن/حدیث: 31986]

حضرت شقیق فرماتے ہیں کہ حضرت عبد اللہ بن مسعود رضی اللہ عنہ نے ارشاد فرمایا: ان مصاحف کی دیکھ بھال کیا کرو۔ اور کبھی فرماتے: قرآن کی دیکھ بھال کیا کرو۔ اس لیے کہ وہ جلد نکل جانے والا ہے سینوں سے بہ نسبت اونٹ کے اپنی رسیوں سے۔ [مصنف ابن ابي شيبه/كتاب فضائل القرآن/حدیث: 31987]

حضرت ابو وائل فرماتے ہیں کہ حضرت عبدا للہ بن مسعود نے ارشاد فرمایا: اس قرآن کی خبر گیری کیا کرو اس لیے کہ یہ جلد نکل جانے والا ہے سینوں سے بہ نسبت اونٹ کے اپنی رسیوں سے۔ اور فرمایا کہ رسول اللہ صلی اللہ علیہ وآلہ وسلم کا ارشاد ہے: برائی اس شخص کے لیے ہے جو یوں کہے: میں فلاں فلاں آیت بھول گیا۔ وہ بھولا نہیں بلکہ اسے بھلا دیا گیا۔ [مصنف ابن ابي شيبه/كتاب فضائل القرآن/حدیث: 31988]

حضرت سعد بن عبادہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: نہیں ہے کوئی شخص جو قرآن کو پڑھے پھر اس کو بھلا دے مگر یہ کہ وہ اللہ سے ملے گا کوڑھ کی حالت میں۔ [مصنف ابن ابي شيبه/كتاب فضائل القرآن/حدیث: 31989]

حضرت ابن ابی روّاد فرماتے ہیں کہ حضرت ضحاک نے ارشاد فرمایا؛ کسی آدمی نے قرآن سیکھا پھر اس کو بھلا دیا ایسا کسی گناہ کی وجہ سے ہوا۔ پھر آپ نے قرآن کی یہ آیت تلاوت فرمائی اور جو پہنچتی ہے تمہیں کوئی مصیبت سو وہ کمائی ہوتی ہے تمہارے اپنے ہاتھوں کی۔ پھر حضرت ضحاک نے فرمایا: کون سی مصیبت جو قرآن بھولنے سے زیادہ بڑی ہو۔ [مصنف ابن ابي شيبه/كتاب فضائل القرآن/حدیث: 31990]

حضرت عبد الکریم ابو امیہ فرماتے ہیں کہ حضرت طلق بن حبیب نے ارشاد فرمایا: جس شخص نے قرآن سیکھا پھر بغیر کسی عذر کے اسے بھلا دیا۔ تو ہر ایک آیت کے بدلے ایک درجہ کم کردیا جاتا ہے، اور یہ شخص قیامت کے دن اس حال میں آئے گا کہ قرآن اس سے جھگڑا کرے گا۔ [مصنف ابن ابي شيبه/كتاب فضائل القرآن/حدیث: 31991]

حضرت ولید بن عبد اللہ بن ابی مغیث فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: میرے سامنے بہت سے گناہ پیش کیے گئے لیکن میں نے ان گناہوں میں قرآن کو یاد کر کے اس کو چھوڑ دینے سے زیادہ کوئی بڑا گناہ نہیں دیکھا۔ [مصنف ابن ابي شيبه/كتاب فضائل القرآن/حدیث: 31992]