حضرت انس رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: دجال ساری زمین کو طے کرے گا سوائے مکہ اور مدینہ کے۔ پس جب وہ مدینہ کے پا س آئے گا تو وہ اس کے راستوں میں سے ہر راستے پر فرشتوں کی صفیں پائے گا پھر وہ حرف کی شور زمین پر آ کر اپنا خیمہ لگائے گا، پھر مدینہ تین مرتبہ لرزے گا، پس ہر منافق مرد اور منافقہ عورت اس کی طرف نکل کر آجائے گی۔ [مصنف ابن ابي شيبه/كتاب الفضائل/حدیث: 34607]

حضرت ابوہریرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: بیشک ایمان مدینہ کی طرف ایسے ہی سمٹ جائے گا جیسا کہ سانپ اپنے بل کی طرف سمٹ آتا ہے۔ [مصنف ابن ابي شيبه/كتاب الفضائل/حدیث: 34608]

حضرت زید بن ثابت رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: بیشک یہ طابہ (پاکیزہ) ہے، اور ہر برائی کو دور کردیتا ہے یعنی مدینہ منورہ۔ [مصنف ابن ابي شيبه/كتاب الفضائل/حدیث: 34609]

حضرت سھل بن حنیف رضی اللہ عنہ فرماتے ہیں کہ رسول اللہ صلی اللہ علیہ وسلم نے اپنے ہاتھ سے مدینہ کی طرف اشارہ کر کے فرمایا: بیشک یہ امن والا حرم ہے۔ [مصنف ابن ابي شيبه/كتاب الفضائل/حدیث: 34610]

حضرت ابوہریرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: تمہارے پاس یمن والے آئے ہیں۔ وہ دل کے اعتبار سے بہت نرم اور بہت رقیق ہیں۔ ایمان یمنی ہے اور حکمت بھی یمنی ہے اور کفر کی بنیاد مشرق کی جانب سے ہے۔ [مصنف ابن ابي شيبه/كتاب الفضائل/حدیث: 34611]

حضرت ابو مسعود رضی اللہ عنہ فرماتے ہیں کہ رسول اللہ صلی اللہ علیہ وسلم نے اپنے ہاتھ سے یمن کی جانب اشارہ کر کے ارشاد فرمایا: یقینا ایمان یہاں موجود ہے۔ بیشک دلوں کی سختی قبیلہ ربیعہ اور قبیلہ مضر کے اونٹوں کے متکبر مالکوں میں ہے جو اونٹوں کی دموں کے پیچھے رہتے ہیں۔ [مصنف ابن ابي شيبه/كتاب الفضائل/حدیث: 34612]

حضرت جابر رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: ایمان تو حجاز والوں میں ہے اور دلوں کی سختی مشرق کی جانب قبیلہ ربیعہ اور قبیلہ مضر والوں میں ہے۔ [مصنف ابن ابي شيبه/كتاب الفضائل/حدیث: 34613]

حضرت ابو سلمہ رحمہ اللہ فرماتے ہیں کہ رسول اللہ صلی اللہ علیہ وسلم نے ارشاد فرمایا: ایمان تو یمنی ہے اور حکمت بھی یمنی ہے۔ یہ وہ لوگ ہیں جن میں حیا اور کمزوری ہے۔ اور کبھی ارشاد فرمایا: جن میں بات کرنے سے عجز ہے۔ [مصنف ابن ابي شيبه/كتاب الفضائل/حدیث: 34614]

حضرت جبیر بن مطعم رضی اللہ عنہ فرماتے ہیں کہ ہم لوگ ایک سفر میں رسول اللہ صلی اللہ علیہ وسلم کے ساتھ تھے۔ آپ صلی اللہ علیہ وسلم نے ارشاد فرمایا: تمہارے پاس یمن والے آئیں گے گویا کہ وہ بادلوں کی مانند ہوں گے، وہ زمین میں سب سے بہترین لوگ ہیں اس پر ایک انصاری صحابی رضی اللہ عنہ نے عرض کیا: اے اللہ کے رسول صلی اللہ علیہ وسلم ! مگر ہم لوگ تو آپ صلی اللہ علیہ وسلم نے فرمایا: کمزور کلام: مگر تم لوگ۔ [مصنف ابن ابي شيبه/كتاب الفضائل/حدیث: 34615]

حضرت عبد اللہ بن عوف دمشقی رحمہ اللہ فرماتے ہیں کہ رسول اللہ صلی اللہ علیہ وسلم نے ارشاد فرمایا: ایمان تو یمنی ہے، حدس اور جذام کے لوگوں میں۔ [مصنف ابن ابي شيبه/كتاب الفضائل/حدیث: 34616]