حضرت عامر رحمہ اللہ فرماتے ہیں کہ حضر ت عمر بن خطاب رضی اللہ عنہ نے کوفہ والوں کی طرف خط لکھا تو ان کو اس لقب سے نوازا۔ اسلام کی بنیاد کی طرف۔ [مصنف ابن ابي شيبه/كتاب الفضائل/حدیث: 34627]

حضرت اجلح رحمہ اللہ فرماتے ہیں کہ حضرت عبد اللہ ابو الھذیل رحمہ اللہ نے ارشاد فرمایا: لوگوں پر ایک زمانہ ایسا آئے گا کہ ہر مومن کوفہ میں پڑاؤ ڈالے گا۔ [مصنف ابن ابي شيبه/كتاب الفضائل/حدیث: 34628]

حضرت شمر رحمہ اللہ فرماتے ہیں کہ حضرت عمر رضی اللہ عنہ نے ارشاد فرمایا: کوفہ اللہ کا نیزہ ہے۔ ایمان کا خزانہ ہے۔ اور عرب کا معزز قبیلہ ہے۔ یہ لوگ اپنی سرحدوں کی حفاظت کرتے ہیں اور شہروں کو مدد پہنچاتے ہیں۔ [مصنف ابن ابي شيبه/كتاب الفضائل/حدیث: 34629]

حضرت ربیع رحمہ اللہ فرماتے ہیں کہ حضرت حذیفہ رضی اللہ عنہ نے ارشاد فرمایا: ان خیموں کے بعد جو بدر میں نبی کریم صلی اللہ علیہ وآلہ وسلم کے ساتھ تھے، کوئی خیمے ایسے نہیں جن کا ایسا دفاع کیا جاتا ہو جیسا اس کا دفاع کیا جاتا ہے یعنی کوفہ کا۔ [مصنف ابن ابي شيبه/كتاب الفضائل/حدیث: 34630]

حضرت جندب رحمہ اللہ فرماتے ہیں کہ حضرت سلمان رضی اللہ عنہ نے ارشاد فرمایا: کوفہ اسلام کا خیمہ ہے۔ لوگوں پر ایک ایسا زمانہ آئے گا جس میں کوئی مومن باقی نہیں رہے گا مگر وہ اس میں جمع ہوگا یا اس کا دل اس میں جمع ہونے کی خواہش کرے گا۔ [مصنف ابن ابي شيبه/كتاب الفضائل/حدیث: 34631]

حضرت ابو رجاء رحمہ اللہ فرماتے ہیں کہ میں نے حضرت حسن رحمہ اللہ سے پوچھا: اہل کوفہ زیادہ شریف ہیں یا اہل بصرہ؟ آپ رحمہ اللہ نے فرمایا: ابتداء تو کوفہ سے کی جاتی تھی۔ [مصنف ابن ابي شيبه/كتاب الفضائل/حدیث: 34632]

حضرت سالم بن ابی الجعد رحمہ اللہ فرماتے ہیں کہ حضرت عبد اللہ بن عمرو رضی اللہ عنہ نے ارشاد فرمایا: اے کوفہ والو! تم سب لوگوں میں مہدی کے ذریعہ سے زیادہ خوش بخت ہو۔ [مصنف ابن ابي شيبه/كتاب الفضائل/حدیث: 34633]

حضرت سائب رحمہ اللہ فرماتے ہیں کہ حضرت عبد اللہ بن عمرو رضی اللہ عنہ نے مجھ سے پوچھا: تم کہاں سے تعلق رکھتے ہو؟ میں نے کہا: کوفہ والوں میں سے ہوں۔ اس پر آپ رضی اللہ عنہ نے فرمایا: قسم ہے اس ذات کی جس کے قبضۂ قدرت میں میری جان ہے کہ لوگ ضرور یہاں سے عرب کی زمین کی طرف سفر کریں گے، اس حال میں کہ نہ وہ ایک قفیز کے مالک ہوں گے نہ ہی ایک درہم کے۔ پھر بھی تمہیں نجات نہیں ملے گی۔ [مصنف ابن ابي شيبه/كتاب الفضائل/حدیث: 34634]

حضرت عبدربہ بن ابو راشد رحمہ اللہ فرماتے ہیں کہ حضرت ابن عمر رضی اللہ عنہما نے ارشاد فرمایا: بصرہ کوفہ سے بہتر ہے۔ [مصنف ابن ابي شيبه/كتاب الفضائل/حدیث: 34635]

حضرت ثابت رحمہ اللہ فرماتے ہیں کہ حضرت عبد الرحمن بن ابی لیلیٰ رحمہ اللہ نے ارشاد فرمایا: میں بہت سے شہروں میں پھرا ہوں پس میں نے کوئی شہر ایسا نہیں دیکھا جو بصرہ سے زیادہ تہجد گزار لوگوں والا ہو۔ [مصنف ابن ابي شيبه/كتاب الفضائل/حدیث: 34636]