حضرت ابوالضحی سے ارشاد خداوندی { ألاَّ إنَّ أَوْلِیَائَ اللہِ لاَ خَوْفٌ عَلَیْہِمْ وَلاَ ہُمْ یَحْزَنُونَ } کے بارے میں روایت ہے کہتے ہیں یہ وہ لوگ ہیں جنہیں جب دیکھا جائے تو خدا یاد آجائے۔ [مصنف ابن ابي شيبه/كتاب الزهد/حدیث: 38014]

حضرت عبداللہ فرماتے ہیں کہ جس آدمی کو یہ بات خوش کرتی ہے کہ وہ اللہ کے پاس موجود اپنی حالت کو دیکھے تو اس کو یہ دیکھنا چاہیے کہ اس کے پاس لوگوں کی کیا حالت ہے۔ [مصنف ابن ابي شيبه/كتاب الزهد/حدیث: 38015]

حضرت مجاہد سے {إِلاَّ أَنْ تَقَطَّعَ قُلُوبُہُمْ } کے بارے میں روایت ہے۔ فرمایا: یہ موت ہے۔ [مصنف ابن ابي شيبه/كتاب الزهد/حدیث: 38016]

حضرت سالم سے { وَاعْبُدْ رَبَّک حَتَّی یَأْتِیَک الْیَقِینُ } کے بارے میں روایت ہے۔ فرمایا: الْیَقِینُ سے مراد موت ہے۔ [مصنف ابن ابي شيبه/كتاب الزهد/حدیث: 38017]

حضرت ربیع بن منذر، اپنے والد سے روایت کرتے ہیں کہ حضرت ربیع بن خثیم کے پاس لوگ ریت لے کر آئے یا ان کے لیے ریت خریدی گئی پس یہ ان کے گھر یا ان کے کمرہ میں ڈالی گئی۔ یعنی وہ اس پر بیٹھتے تھے۔ [مصنف ابن ابي شيبه/كتاب الزهد/حدیث: 38018]

حضرت ربیع بن خثیم کی سریہ سے روایت ہے وہ کہتی ہیں کہ حضرت ربیع کا عمل مخفی ہوتا تھا۔ [مصنف ابن ابي شيبه/كتاب الزهد/حدیث: 38019]

حضرت ابن عباس رضی اللہ عنہما سے ارشادِ خداوندی { مِنْ مَائٍ صَدِیدٍ } کے بارے میں روایت ہے۔ وہ کہتے ہیں۔ یہ وہ پانی ہے جو کافر کی جلد اور اس کے گوشت کے درمیان چلتا ہے۔ [مصنف ابن ابي شيبه/كتاب الزهد/حدیث: 38020]

حسن سے { یَوْمَئِذٍ یَتَذَکَّرُ الإِنْسَان وَأَنَّی لَہُ الذِّکْرَی یَقُولُ یَا لَیْتَنِی قَدَّمْت لِحَیَاتِی } کے بارے میں روایت ہے وہ کہتے ہیں۔ خدا کی قسم! اس کو معلوم ہوجائے گا کہ وہ ایسی طویل زندگی کے قریب ہے کہ جس میں آخرکار موت نہیں ہے۔ [مصنف ابن ابي شيبه/كتاب الزهد/حدیث: 38021]

حسن سے روایت ہے کہ بادشاہوں میں سے ایک بادشاہ تھا۔ اس کی موت کا وقت آیا تو اس کے اہل مملکت اس کے پاس آئے اور کہنے لگے۔ آپ، اپنے بعد شہروں اور لوگوں کو کس کے لیے چھوڑ رہے ہیں؟ تو اس بادشاہ نے جواب دیا۔ اے لوگو! تم جاہل نہ رہنا۔ تم سب اس ذات کی ملکیت میں ہو جس کو اس کی پروا نہیں ہے کہ اس کی ملک سے کوئی چھوٹا لیا جائے یا کوئی بڑا۔ [مصنف ابن ابي شيبه/كتاب الزهد/حدیث: 38022]

حضرت حسن سے روایت ہے وہ کہتے ہیں کہ جب تک آدمی اللہ کے لیے کہتا ہے اور جب تک آدمی اللہ کے لیے عمل کرتا ہے تب تک وہ خیر پر رہتا ہے۔ [مصنف ابن ابي شيبه/كتاب الزهد/حدیث: 38023]