ابو امامہ سے منقول ہے کہ قیامت قائم نہ ہوگی جب تک کہ اہل شام کے شریر عراق میں منتقل نہ ہوجائیں اور عراق کے بھلے لوگ شام نہ چلے جائیں۔ [مصنف ابن ابي شيبه/كتاب الفتن/حدیث: 40552]

ابوہریرہ سے منقول ہے فرماتے ہیں کہ ہلاکت ہو عرب کے لیے اس شر سے جو قریب آگیا یعنی بچوں کی امارۃ اگر لوگ ان کی اطاعت کریں تو انہیں جہنم میں داخل کردیں گے اور اگر انکی نافرمانی کریں گے تو ان کی گرد نیں ماریں گے۔ [مصنف ابن ابي شيبه/كتاب الفتن/حدیث: 40553]

محمد سے منقول ہے کہ ہم باتیں کرتے تھے کہ عرب میں سخت ارتداد برپا ہوگا یہاں تک کہ عربوں میں سے بعض لوگ ذی الخلصہ میں بتوں کو پوجنا شروع کردیں گے۔ [مصنف ابن ابي شيبه/كتاب الفتن/حدیث: 40554]

ابو اسحاق سے منقول ہے کہتے ہیں کہ مجھے اس شخص نے بتایا جو ابن ملجم کے پاس جایا کرتا تھا قید خانے میں کہ وہ جلے ہوئے تنے کی طرح سیاہ ہوچکا تھا۔ [مصنف ابن ابي شيبه/كتاب الفتن/حدیث: 40555]

ابوجلد سے منقول ہے کہ ایک کے بعد دوسرا فتنہ برپا ہوگا۔ پہلا دوسرے کے لیے ایسے ہوگا جے سی کوڑے کے نیچے حصے کے پیچھے تلوار کی دھار آئی پھر اس کے بعد ایسا فتنہ برپا ہوگا جس میں تمام حرام چیزوں کو حلال سمجھا جائے گا۔ پھر خلافت اہل زمین کے سب سے بھلے آدمی کے پاس آئے گی جبکہ وہ مزے کے ساتھ اپنے گھر میں بیٹھا ہوگا۔ [مصنف ابن ابي شيبه/كتاب الفتن/حدیث: 40556]

ابو امامہ سے منقول ہے کہ ایک آدمی کا نام آسمان سے پکارا جائے گا، ذلیل آدمی اس کا انکار نہیں کرے گا اور غالب و طاقتور اس سے منع نہیں کرے گا۔ [مصنف ابن ابي شيبه/كتاب الفتن/حدیث: 40557]

ابو عثمان نہد ی سے منقول ہے کہ حذیفہ رضی اللہ عنہ بن یمان نے فرمایا کہ اس دوران جب لوگ باتیں کر رہے ہوں گے تو ایک گمشدہ اونٹ ان کے پاس سے گزرے گا وہ لوگ پوچھیں گے کہ اے اونٹ تمہارے مالک کہاں ہیں؟ تو وہ جواب دے گا میرے اہل کو چاشت کے وقت جمع کیا گیا ہے۔ [مصنف ابن ابي شيبه/كتاب الفتن/حدیث: 40558]