ابن ماجہ اور بیہقی نے شعب الایمان میں انس اور ابن عباس رضی اللہ عنہما سے روایت کیا ہے۔ ضعیف، «رَوَاهُ ابْنُ مَاجَه وَالْبَيْهَقِيُّ فِي شُعَبِ الْإِيمَانِ» ”اسے ابن ماجہ اور بیہقی نے شعب الایمان میں روایت کیا ہے“۔ [مشكوة المصابيح/كتاب الآداب/حدیث: 5091]

ابن عمر رضی اللہ عنہما سے روایت ہے کہ نبی کریم صلی ‌اللہ ‌علیہ ‌وآلہ ‌وسلم نے فرمایا: ”بے شک حیا اور ایمان ساتھ ساتھ ہیں، جب ان دونوں میں سے ایک اٹھا لیا جاتا ہے تو دوسرا بھی اٹھا لیا جاتا ہے۔“ (اِسنَادُہٗ ضَعِیْفٌ، رَوَاہُ الْبَیْہَقِیُّ فِی شُعَبِ الْإِیمَانِ)۔ [مشكوة المصابيح/كتاب الآداب/حدیث: 5093]

اور ابن عباس رضی اللہ عنہما کی روایت میں ہے، فرمایا: ”جب ان میں سے ایک کو سلب کر لیا جاتا ہے تو دوسرا بھی اس کے پیچھے چلا جاتا ہے۔“ إِسْنَادُهُ ضَعِيفٌ جِدًّا مَوْضُوعٌ، رَوَاهُ الْبَيْهَقِيُّ فِي شُعَبِ الْإِيمَانِ۔ [مشكوة المصابيح/كتاب الآداب/حدیث: 5094]

معاذ رضی اللہ عنہ بیان کرتے ہیں، جب میں نے رکاب میں پاؤں رکھا تو رسول اللہ صلی ‌اللہ ‌علیہ ‌وآلہ ‌وسلم نے آخری وصیت کرتے ہوئے مجھے فرمایا: ”معاذ! لوگوں کے ساتھ اچھے اخلاق سے پیش آنا۔“ اسنادہ ضعیف، رواہ مالک۔ [مشكوة المصابيح/كتاب الآداب/حدیث: 5095]

امام مالک رحمہ اللہ بیان کرتے ہیں، مجھے یہ بات پہنچی ہے کہ رسول اللہ صلی ‌اللہ ‌علیہ ‌وآلہ ‌وسلم نے فرمایا: ”مجھے اچھے اخلاق کی تکمیل کے لیے مبعوث کیا گیا ہے۔“ سندہ ضعیف، رواہ مالک۔ [مشكوة المصابيح/كتاب الآداب/حدیث: 5096]

امام احمد رحمہ اللہ نے ابوہریرہ رضی اللہ عنہ سے روایت کیا ہے، «سَنَدُهُ ضَعِيفٌ» ”اس کی سند ضعیف ہے“، «رَوَاهُ أَحْمَدُ» ”اسے احمد نے روایت کیا ہے“۔ [مشكوة المصابيح/كتاب الآداب/حدیث: 5097]

جعفر بن محمد اپنے والد سے روایت کرتے ہیں، رسول اللہ صلی ‌اللہ ‌علیہ ‌وآلہ ‌وسلم جب آئینہ دیکھتے تو یہ دعا پڑھتے: «الْحَمْدُ لِلّٰهِ الَّذِي حَسَّنَ خَلْقِي وَخُلُقِي، وَزَانَ مِنِّي مَا شَانَ مِنْ غَيْرِي» ”ہر قسم کی تعریف اللہ کے لیے ہے جس نے میری صورت و سیرت کو بہتر بنایا اور میرے علاوہ کسی میں جو عیب تھا مجھے اس سے محفوظ کر کے مزین بنایا۔“ (بیہقی فی شعب الایمان، مرسل روایت ہے، اسنادہ ضعیف، رواہ البیہقی فی شعب الایمان)۔ [مشكوة المصابيح/كتاب الآداب/حدیث: 5098]

عائشہ رضی اللہ عنہا بیان کرتی ہیں، رسول اللہ صلی ‌اللہ ‌علیہ ‌وآلہ ‌وسلم دعا کیا کرتے تھے: ” «اللَّهُمَّ أَحْسَنْتَ خَلْقِي فَأَحْسِنْ خُلُقِي» اے اللہ! تو نے مجھے اچھی طرح تخلیق فرمایا، پس میرے اخلاق بھی سنوار دے۔“ اسنادہ صحیح، رواہ احمد۔ [مشكوة المصابيح/كتاب الآداب/حدیث: 5099]

ابوہریرہ رضی اللہ عنہ بیان کرتے ہیں کہ رسول اللہ صلی ‌اللہ ‌علیہ ‌وآلہ ‌وسلم نے فرمایا: ”کیا میں تم میں سب سے بہتر لوگوں کے بارے میں نہ بتاؤں؟“ انہوں نے عرض کیا: ضرور بتائیں، آپ صلی ‌اللہ ‌علیہ ‌وآلہ ‌وسلم نے فرمایا: ”تم میں سے سب سے بہتر لوگ وہ ہیں جن کی تم میں سے عمریں دراز ہوں اور وہ تم میں سے بہترین اخلاق کے حامل ہوں۔“ حسن، رواہ احمد۔ [مشكوة المصابيح/كتاب الآداب/حدیث: 5100]

ابوہریرہ رضی اللہ عنہ بیان کرتے ہیں، رسول اللہ صلی ‌اللہ ‌علیہ ‌وآلہ ‌وسلم نے فرمایا: ”سب سے کامل ایمان والے وہ لوگ ہیں جو ان میں سب سے بہتر اخلاق والے ہیں۔“ اسنادہ حسن، رواہ ابوداؤد والدارمی۔ [مشكوة المصابيح/كتاب الآداب/حدیث: 5101]