الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
نیکی اور صلہ رحمی کا بیان
حدیث نمبر: 769 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلى اللہ علیہ وسلم نے فرمایا: ”ہر مسلمان پر روزانہ صدقہ کرنا واجب ہے۔“ انہوں نے عرض کیا، اللہ کے رسول! اس کی کون طاقت رکھتا ہے؟ آپ صلى اللہ علیہ وسلم نے فرمایا: ”تمہارا مسلمان کو راستہ بتا دینا صدقہ ہے، تمہارا مسلمان کو سلام کا جواب دینا صدقہ ہے، تمہارا نیکی کا حکم اور برائی سے منع کرنا صدقہ ہے۔“
تخریج الحدیث: «انظر ما قبله.»
16. رسول اکرم صلی اللہ علیہ وسلم کا رحمۃ للعالمین ہونا
حدیث نمبر: 770 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلى اللہ علیہ وسلم نے فرمایا: ”میں ایک انسان ہوں، جس طرح انسان ناراض ہوتا ہے میں بھی اسی طرح ناراض ہوتا ہوں، لعنت کرتا ہوں جس طرح انسان لعنت کرتا ہے، پس میں نے جس بھی شخص / غلام کو برا بھلا کہا: ہو یا اس پر لعن طعن کی ہو جس کا وہ مستحق نہ تھا تو (اے اللہ) اس اس کے لیے رحمت بنا دے۔“
تخریج الحدیث: «مسلم، كتاب البروالصلة، باب من لعنه النبى صلى الله عليه وسلم الخ، رقم: 2601. سنن دارمي، رقم: 2765. مسند احمد: 390/2.»
17. رحمت کا چھن جانا بد نصیبی ہے
حدیث نمبر: 771 |
|
سیدنا ابوہریرہ رضی اللہ عنہ نے بیان کیا: میرے جگری دوست، حجرے والے ابوالقاسم صلی اللہ علیہ وسلم نے فرمایا: ”بدنصیب شخص سے رحمت چھین لی جاتی ہے۔“
تخریج الحدیث: «سنن ابوداود، كتاب الادب، باب فى الرحمة، رقم: 4942. سنن ترمذي، رقم: 1923. مسند احمد: 301/2. صحيح ابن حبان، رقم: 462. مستدرك حاكم: 277/4. صحيح الجامع الصغير، رقم: 7467. صحيح ترغيب وترهيب، رقم: 2261.»
18. ہمسائے کو اذیت پہنچانے والا جہنمی ہے
حدیث نمبر: 772 |
|
سیدنا ابوہریرہ رضی اللہ عنہ بیان کرتے ہیں، رسول اللہ صلی اللہ علیہ وسلم سے عرض کیا گیا: فلاں عورت رات کے وقت تہجد پڑھتی ہے اور دن کو روزہ رکھتی ہے، جبکہ وہ اپنی پڑوسن کو اذیت پہنچاتی ہے، رسول اللہ صلی اللہ علیہ وسلم نے فرمایا: ”وہ جہنمی ہے۔“ آپ صلی اللہ علیہ وسلم سے عرض کیا گیا: فلاں عورت فرض نماز پڑھتی ہے رمضان کے روزے رکھتی ہے، پنیر کے چند ٹکڑے صدقہ کرتی ہے اور اس کے پاس اس کے علاوہ کچھ نہیں، وہ کسی کو تکلیف نہیں پہنچاتی، تو آپ صلی اللہ علیہ وسلم نے فرمایا: ”وہ جنتی ہے۔“
تخریج الحدیث: «انظر: 291.»
حدیث نمبر: 773 |
|
سیدنا ابوہریرہ رضی اللہ عنہ بیان کرتے ہیں، عرض کیا گیا: اے اللہ کے رسول! فلاں عورت تہجد پڑھتی ہے، راوی نے بیان کیا، پس میں نے انہیں اسی طرح سنایا جس طرح جریر نے ہمیں بیان کیا تھا، تو ابواسامہ نے اسے درست قرار دیا اور کہا: ہاں۔
تخریج الحدیث: «انظر ما قبله.»
19. شعر و شاعری میں زیادہ مشغول رہنے کی ممانعت
حدیث نمبر: 774 |
|
عبداللہ نے بیان کیا: تم میں سے کسی کا پیٹ پیب سے بھر جائے تو یہ اس کے لیے اس سے بہتر ہے کہ وہ شعروں سے بھرا ہے۔ ان عتیق نے بیان کیا، میں نے یزید بن الاصم سے اس کا ذکر کیا تو انہوں نے کہا: میں نے ابوہریرہ رضی اللہ عنہ کو اسی مثل رسول اللہ صلی اللہ علیہ وسلم سے ذکر کرتے ہوئے سنا ہے۔
تخریج الحدیث: «بخاري، كتاب الادب، باب ما يكره ان كون الغالب الخ، رقم: 6155. مسلم، كتاب الشعر، رقم: 2257. 2258. سنن ابوداود، رقم: 5009. سنن ترمذي، رقم: 2851. سنن ابن ماجه، رقم: 3759. مسند احمد: 288/2.»
20. مسلمان کا دوسرے مسلمان پر حق کا بیان
حدیث نمبر: 775 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”مسلمان کا دوسرے پر حق ہے کہ جب وہ اس سے ملاقات کرے تو اسے سلام کرے، جب وہ چھینک مار کر «الحمدالله» کہے تو یہ اسے «يرحمك الله» کہہ کر جواب دے، جب اسے دعوت دے تو وہ اسے قبول کرے، جب بیمار ہو جائے تو اس کی عیادت کرے، جب فوت ہو جائے تو اس کے جنازے میں شرکت کرے اور اس کی غیر موجودگی میں اس کے لیے خیر خواہی کرے۔“
تخریج الحدیث: «بخاري، رقم: 6222، 5175، 2445، 1239. مسلم، كتاب السلام، باب من حق المسلم للمسلم رد السلام، رقم:...، سنن ابوداود، رقم: 5030. سنن ترمذي، رقم: 2736.»
21. بری صفات سے بچنے کا بیان
حدیث نمبر: 776 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”کسی شخص کی بری صفات جو ہو سکتی ہیں وہ حرص، بخل اور خوف زدہ بزدل ہونا ہے۔“
تخریج الحدیث: «سنن ابوداود، كتاب الجهاد، باب فى الجراة والجبن، رقم: 2511. مسند احمد: 302/2. صحيح ابن حبان، رقم: 3250. قال الشيخ الالباني وشعيب الارناوط: اسناده صحيح.»
حدیث نمبر: 777 |
|
راوی نے بیان کیا: الملائی نے اس اسناد سے اسی مثل ہمیں بیان کیا۔
تخریج الحدیث: «السابق.»
22. اچھے دوست بنانے کی ترغیب
حدیث نمبر: 778 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”آدمی اپنے خلیل (دوست) کے دین پر ہوتا ہے، پس تم میں سے کوئی دیکھے کہ وہ کس کو دوست بناتا ہے؟“
تخریج الحدیث: «سنن ابوداود، كتاب الادب، باب من يومر ان يجالس، رقم: 4833. سنن ترمذي، كتاب الزهد، رقم: 2378. مسند احمد: 303/2. قال الشيخ الالباني: اسناده حسن.»