الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
وضو اور طہارت کے مسائل
24. باب الْوُضُوءِ مِنَ الْمِيضَأَةِ:
24. لوٹے سے وضو کرنے کا بیان
حدیث نمبر: 713 |
|
سیدہ ربیع بنت معوذ رضی اللہ عنہا نے کہا: رسول اللہ صلی اللہ علیہ وسلم ہمارے گھر تشریف لایا کرتے تھے، پس میں اپنے گھر کا ایک لوٹا لیتی جو ایک مد اور ثلث مد یا ربع مد پانی کا ہوتا اور پانی ڈالتی، آپ تین تین بار اعضائے وضو کو دھوتے تھے۔
تخریج الحدیث: «إسناده حسن، [مكتبه الشامله نمبر: 717]»
اس روایت کی سند حسن ہے۔ دیکھئے: [ابن ماجه 390]، [بيهقي 237]، [أبوداؤد 126]، [ترمذي 33] و [أحمد 358/6]۔ نیز دیکھئے: [فتح الباري 286/1] و [نيل الأوطار 179/1]
اس روایت کی سند حسن ہے۔ دیکھئے: [ابن ماجه 390]، [بيهقي 237]، [أبوداؤد 126]، [ترمذي 33] و [أحمد 358/6]۔ نیز دیکھئے: [فتح الباري 286/1] و [نيل الأوطار 179/1]
قال الشيخ حسين سليم أسد الداراني: إسناده حسن
25. باب التَّسْمِيَةِ في الْوُضُوءِ:
25. وضو کے لئے بسم اللہ کہنا
حدیث نمبر: 714 |
|
سیدنا ابوسعید خدری رضی اللہ عنہ سے مروی ہے نبی کریم صلی اللہ علیہ وسلم نے فرمایا: ”جو شخص بسم اللہ نہ کہے اس کا وضو نہیں۔“
تخریج الحدیث: «إسناده حسن، [مكتبه الشامله نمبر: 718]»
اس حدیث کی سند حسن ہے۔ دیکھئے: [ابن ماجه 397]، [مسند أبى يعلی 1060، 1221]، [دارقطني 71/1] و [ابن أبى شيبه 3/1]
اس حدیث کی سند حسن ہے۔ دیکھئے: [ابن ماجه 397]، [مسند أبى يعلی 1060، 1221]، [دارقطني 71/1] و [ابن أبى شيبه 3/1]
وضاحت:
(تشریح احادیث 712 سے 714)
اس حدیث کے پیشِ نظر امام احمد رحمہ اللہ نے وضو سے پہلے بسم اللہ کہنا واجب قرار دیا ہے۔
اور ائمہ ثلاثہ (رحمہم اللہ) نے مسنون کہا ہے۔
اسحاق بن راہویہ رحمہ اللہ نے فرمایا: جس نے عمداً بسم اللہ نہ کہا اس کا وضو نہیں ہوا۔
(تشریح احادیث 712 سے 714)
اس حدیث کے پیشِ نظر امام احمد رحمہ اللہ نے وضو سے پہلے بسم اللہ کہنا واجب قرار دیا ہے۔
اور ائمہ ثلاثہ (رحمہم اللہ) نے مسنون کہا ہے۔
اسحاق بن راہویہ رحمہ اللہ نے فرمایا: جس نے عمداً بسم اللہ نہ کہا اس کا وضو نہیں ہوا۔
قال الشيخ حسين سليم أسد الداراني: إسناده حسن
26. باب فِيمَنْ يُدْخِلُ يَدَيْهِ في الإِنَاءِ قَبْلَ أَنْ يَغْسِلَهُمَا:
26. پانی کے برتن میں دھونے سے پہلے ہاتھ ڈالنے کا بیان
حدیث نمبر: 715 |
|
سیدنا اوس بن ابی اوس رضی اللہ عنہ سے مروی ہے کہ انہوں نے رسول اللہ صلی اللہ علیہ وسلم کو وضو کرتے دیکھا، آپ نے دونوں پہنچوں پر تین بار پانی ڈالا۔ میں نے عرض کیا: «استوكف ثلاثا» سے کیا مراد ہے؟ تو انہوں نے کہا: اپنے ہاتھوں کو تین بار دھویا۔
تخریج الحدیث: «إسناده صحيح، [مكتبه الشامله نمبر: 719]»
اس روایت کی سند صحیح ہے۔ دیکھئے: [نسائي 83]، [الطيالسي 168]، [أحمد 8/4، 9]
اس روایت کی سند صحیح ہے۔ دیکھئے: [نسائي 83]، [الطيالسي 168]، [أحمد 8/4، 9]
وضاحت:
(تشریح حدیث 714)
اس حدیث سے وضو میں تین تین بار ہاتھ کا دھونا ثابت ہوا، جیسا کہ آگے آ رہا ہے۔
(تشریح حدیث 714)
اس حدیث سے وضو میں تین تین بار ہاتھ کا دھونا ثابت ہوا، جیسا کہ آگے آ رہا ہے۔
قال الشيخ حسين سليم أسد الداراني: إسناده صحيح
27. باب الْوُضُوءِ ثَلاَثاً:
27. اعضاء وضو کو تین تین بار دھونے کا بیان
حدیث نمبر: 716 |
|
حمران مولی عثمان بن عفان سے مروی ہے کہ سیدنا عثمان بن عفان رضی اللہ عنہ نے وضو کیا تو کلی کی، ناک صاف کی، اور اپنے چہرے کو تین بار دھویا، اور اپنے دونوں ہاتھ (کہنیوں تک) تین بار دھوئے، پھر اپنے سر کا مسح کیا اور اپنے پیر (ٹخنے تک) تین بار دھوئے، پھر فرمایا: میں نے رسول اللہ صلی اللہ علیہ وسلم کو ٹھیک اسی طرح وضو کرتے دیکھا جس طرح میں نے وضو کیا، پھر آپ صلی اللہ علیہ وسلم نے فرمایا: ”جس نے میرے اس وضو کی طرح وضو کیا، پھر دو رکعت پڑھیں جن میں کچھ اور نہیں سوچا، تو اس کے گزشتہ گناہ معاف کر دیئے گئے۔“
تخریج الحدیث: «إسناده صحيح، [مكتبه الشامله نمبر: 720]»
اس حدیث کی سند صحیح ہے۔ دیکھئے: [بخاري 159، 160]، [مسلم 226]، [أبوداؤد 100]، [ترمذي 48]، [نسائي 97]، [ابن ماجه 405]
اس حدیث کی سند صحیح ہے۔ دیکھئے: [بخاري 159، 160]، [مسلم 226]، [أبوداؤد 100]، [ترمذي 48]، [نسائي 97]، [ابن ماجه 405]
وضاحت:
(تشریح حدیث 715)
اس حدیث سے اعضائے وضو تین تین بار دھونا ثابت ہوا اور مسح صرف ایک بار، اور یہ وضوئے کامل ہے، جو شخص ایسا وضو کرنے کے بعد دل لگا کر دو رکعت پڑھے اس کی یہ فضیلت ہے کہ اس کے تمام پچھلے صغیرہ گناہ معاف کر دیئے جائیں گے۔
یہ دو رکعت تحیۃ الوضو ہیں، اس سے تحیۃ الوضو کی اہمیت و فضیلت بھی ثابت ہوئی، اور اسی کی وجہ سے رسول اللہ صلی اللہ علیہ وسلم نے سیدنا بلال رضی اللہ عنہ کی آہٹ جنّت میں اپنے سے آگے محسوس کی۔
(تشریح حدیث 715)
اس حدیث سے اعضائے وضو تین تین بار دھونا ثابت ہوا اور مسح صرف ایک بار، اور یہ وضوئے کامل ہے، جو شخص ایسا وضو کرنے کے بعد دل لگا کر دو رکعت پڑھے اس کی یہ فضیلت ہے کہ اس کے تمام پچھلے صغیرہ گناہ معاف کر دیئے جائیں گے۔
یہ دو رکعت تحیۃ الوضو ہیں، اس سے تحیۃ الوضو کی اہمیت و فضیلت بھی ثابت ہوئی، اور اسی کی وجہ سے رسول اللہ صلی اللہ علیہ وسلم نے سیدنا بلال رضی اللہ عنہ کی آہٹ جنّت میں اپنے سے آگے محسوس کی۔
قال الشيخ حسين سليم أسد الداراني: إسناده صحيح
28. باب الْوُضُوءِ مَرَّتَيْنِ:
28. دو دو بار وضو کے اعضاء دھونے کا بیان
حدیث نمبر: 717 |
|
عمرو بن یحییٰ مازنی اپنے باپ سے نقل کرتے ہیں کہ سیدنا عبداللہ بن زید رضی اللہ عنہ (جو عمرو کے دادا ہیں) نے پانی کا لوٹا منگوایا، پہلے پانی اپنے ہاتھوں پر ڈالا اور تین مرتبہ ہاتھ دھوئے (بخاری میں دو مرتبہ)، پھر تین دفعہ اپنا چہرہ دھویا، پھر کہنیوں تک اپنے ہاتھ دو دو مرتبہ دھوئے، پھر فرمایا: میں نے رسول اللہ صلی اللہ علیہ وسلم کو اس طرح وضو کرتے دیکھا۔
تخریج الحدیث: «إسناده صحيح، [مكتبه الشامله نمبر: 721]»
اس حدیث کی سند صحیح ہے۔ دیکھئے: [بخاري 185]، [مسلم 235]، [صحيح ابن حبان 1077، 1083]، [مسند الحميدي 421]
اس حدیث کی سند صحیح ہے۔ دیکھئے: [بخاري 185]، [مسلم 235]، [صحيح ابن حبان 1077، 1083]، [مسند الحميدي 421]
قال الشيخ حسين سليم أسد الداراني: إسناده صحيح
حدیث نمبر: 718 |
|
وضو کی مذکورہ بالا کیفیت سیدنا عبداللہ بن زید رضی اللہ عنہ نے نبی کریم صلی اللہ علیہ وسلم سے روایت کی ہے۔
تخریج الحدیث: «إسناده صحيح، [مكتبه الشامله نمبر: 722]»
دیکھئے مذکورہ بالا تخریج۔
دیکھئے مذکورہ بالا تخریج۔
وضاحت:
(تشریح احادیث 716 سے 718)
اس حدیث سے معلوم ہوا کہ وضو کرتے وقت کچھ اعضاء تین بار کچھ اعضاء دو بار دھوئے تب بھی وضو صحیح ہوگا، اور اس میں کوئی حرج نہیں۔
(تشریح احادیث 716 سے 718)
اس حدیث سے معلوم ہوا کہ وضو کرتے وقت کچھ اعضاء تین بار کچھ اعضاء دو بار دھوئے تب بھی وضو صحیح ہوگا، اور اس میں کوئی حرج نہیں۔
قال الشيخ حسين سليم أسد الداراني: إسناده صحيح
29. باب الْوُضُوءِ مَرَّةً مَرَّةً:
29. اعضائے وضو کو ایک بار دھونے کا بیان
حدیث نمبر: 719 |
|
سیدنا عبداللہ بن عباس رضی اللہ عنہما نے فرمایا: کیا میں تمہیں رسول اللہ صلی اللہ علیہ وسلم کے وضو کا طریقہ نہ بتاؤں؟ اس کے بعد انہوں نے اعضائے وضو کو ایک ایک بار دھویا، راوی نے کہا یا فرمایا: کہ وضو ایک ایک بار ہے۔
تخریج الحدیث: «إسناده صحيح، [مكتبه الشامله نمبر: 723]»
اس حدیث کی سند صحیح ہے۔ دیکھئے: [بخاري 157]، [أبوداؤد 138]، [نسائي 80]، [ابن ماجه 411]، [ابن حبان 1095]
اس حدیث کی سند صحیح ہے۔ دیکھئے: [بخاري 157]، [أبوداؤد 138]، [نسائي 80]، [ابن ماجه 411]، [ابن حبان 1095]
قال الشيخ حسين سليم أسد الداراني: إسناده صحيح
حدیث نمبر: 720 |
|
سیدنا ابن عباس رضی اللہ عنہما سے روایت ہے رسول اللہ صلی اللہ علیہ وسلم نے اعضائے وضوء کو ایک ایک بار دھویا، اور کلی و استنشاق ایک چلو سے کئے۔
تخریج الحدیث: «إسناده صحيح، [مكتبه الشامله نمبر: 724]»
دیکھئے: تخریج سابق و [ابن حبان 1076]، [حاكم 150/1]، [البيهقي 50/1] و [ابن الجارود 69]
دیکھئے: تخریج سابق و [ابن حبان 1076]، [حاكم 150/1]، [البيهقي 50/1] و [ابن الجارود 69]
وضاحت:
(تشریح احادیث 718 سے 720)
اس حدیث سے معلوم ہوا کہ اعضائے وضو کو ایک ایک بار دھویا جائے تب بھی وضو ہو جاتا ہے۔
اور استنشاق سے مراد ناک میں پانی چڑھانا اور ناک کو جھاڑنا ہے۔
(تشریح احادیث 718 سے 720)
اس حدیث سے معلوم ہوا کہ اعضائے وضو کو ایک ایک بار دھویا جائے تب بھی وضو ہو جاتا ہے۔
اور استنشاق سے مراد ناک میں پانی چڑھانا اور ناک کو جھاڑنا ہے۔
قال الشيخ حسين سليم أسد الداراني: إسناده صحيح
30. باب مَا جَاءَ في إِسْبَاغِ الْوُضُوءِ:
30. اچھی طرح وضو کرنے کا بیان
حدیث نمبر: 721 |
|
سیدنا ابوسعید خدری رضی اللہ عنہ سے مروی ہے، رسول الله صلی اللہ علیہ وسلم فرماتے تھے: ”کیا نہ بتاؤں میں تم کو ایسی چیز جس کی وجہ سے اللہ تعالیٰ گناہوں کو ختم کر دیتا ہے اور نیکیوں کو بڑھا دیتا ہے؟“ لوگوں نے عرض کیا: ہاں، آپ صلی اللہ علیہ وسلم نے فرمایا: ”تکلیف کے وقت (سردی وغیرہ میں) اچھی طرح وضو کرنا، اور بہت چلنا مسجدوں کی طرف، اور ایک نماز سے دوسری نماز کا انتظار کرنا۔“
تخریج الحدیث: «إسناده حسن والحديث صحيح، [مكتبه الشامله نمبر: 725]»
اس حدیث کی سند حسن ہے۔ دیکھئے: [ابن ماجه 427]، [مسند أبى يعلی 1355]، [صحيح ابن حبان 402]
اس حدیث کی سند حسن ہے۔ دیکھئے: [ابن ماجه 427]، [مسند أبى يعلی 1355]، [صحيح ابن حبان 402]
وضاحت:
(تشریح حدیث 720)
یعنی یہ تینوں چیزیں گناہوں کا کفارہ اور حسنات میں اضافہ کا باعث ہیں۔
(تشریح حدیث 720)
یعنی یہ تینوں چیزیں گناہوں کا کفارہ اور حسنات میں اضافہ کا باعث ہیں۔
قال الشيخ حسين سليم أسد الداراني: إسناده حسن والحديث صحيح
حدیث نمبر: 722 |
|
سیدنا ابوسعید خدری رضی اللہ عنہ سے دوسرے طریق سے بھی مذکورہ بالا حدیث مروی ہے۔
تخریج الحدیث: «إسناده حسن، [مكتبه الشامله نمبر: 726]»
تخريج سابق ملاحظہ کیجئے۔
تخريج سابق ملاحظہ کیجئے۔
قال الشيخ حسين سليم أسد الداراني: إسناده حسن