الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
نماز کے احکام و مسائل
45. دو سجدوں کے درمیان قدموں پر سرین رکھ کر بیٹھنا
حدیث نمبر: 194 |
|
طاؤس رحمہ اللہ بیان کرتے ہیں، ہم نے (سجدوں کے درمیان) قدموں پر سرین رکھ کر بیٹھنے کے متعلق سیدنا ابن عباس رضی اللہ عنہما سے پوچھا: تو انہوں نے فرمایا: وہ سنت ہے، ہم نے کہا: جب آدمی اس طرح کرتا (بیٹھتا) ہے تو کیا آپ اسے اچھا سمجھتے ہیں؟ انہوں نے فرمایا: کیوں نہیں، وہ تمہارے نبی صلی اللہ علیہ وسلم کی سنت ہے۔
تخریج الحدیث: «مسلم، كتاب المساجد، باب جواب الاقعاء على القدمين، رقم: 536. سنن ابوداود، رقم: 845. سنن ترمذي، رقم: 283.»
46. نماز میں تشہد پڑھنے کا بیان
حدیث نمبر: 195 |
|
سیدنا ابن عباس رضی اللہ عنہما نے بیان کیا، رسول اللہ صلی اللہ علیہ وسلم ہمیں تشہد اس طرح سکھاتے تھے جس طرح آپ ہمیں قرآن کی سورت پڑھایا کرتے تھے۔
تخریج الحدیث: «مسلم، كتاب الصلاة، باب التشهد فى الصلاة، رقم: 403. سنن ابوداود، رقم: 974. سنن ترمذي، رقم: 290. سنن نسائي، رقم: 1164. سنن ابن ماجه، رقم: 900.»
47. تین اوقات جن میں نماز پڑھنا منع ہے
حدیث نمبر: 196 |
|
سیدنا ابوہریرہ رضی اللہ عنہ سے روایت ہے رسول اللہ صلی اللہ علیہ وسلم نے فرمایا: ”جس نے غروب آفتاب سے پہلے عصر کی ایک رکعت پا لی تو اس نے اس (عصر کی نماز) کو پا لیا اور جس نے سورج طلوع ہونے سے پہلے پہلے نماز فجر کی ایک رکعت پا لی اور ایک رکعت سورج طلوع ہونے کے بعد پا لی تو اس نے اس (فجر کی نماز) کو پا لیا۔“
تخریج الحدیث: «بخاري، كتاب مواقيت الصلاة، باب من ادرك من الفجر ركعة، رقم: 579. مسلم، كتاب المساجد، باب من ادرك من الصلاة الخ، رقم: 608. سنن ابوداود، رقم: 412. سنن ترمذي، رقم: 186. سنن نسائي، رقم: 514. سنن ابن ماجه، رقم: 700، 699. مسند احمد: 254/2. صحيح ابن حبان، رقم: 1484.»
48. فجر کی سنتیں جماعت کے بعد پڑھنا
حدیث نمبر: 197 |
|
سیدنا ابن عباس رضی اللہ عنہما نے بیان کیا: نماز کے لیے اقامت ہو گئی لیکن میں نے نماز فجر سے پہلے والی دو رکعتیں (سنتیں) نہیں پڑھی تھیں (سلام پھرنے کے بعد)، پس میں کھڑا ہوا اور انہیں پڑھنے لگا، آپ صلی اللہ علیہ وسلم میرے پاس سے گزرے تو فرمایا: ”کیا تم فجر کی نماز چار رکعتیں پڑھو گے؟“ صالح (راوی) سے کہا گیا: یہ کس نے کہا تھا؟ انہوں نے کہا: نبی کریم صلی اللہ علیہ وسلم نے۔
تخریج الحدیث: «مسند احمد: 354/1. قال شعيب الارناوط: اسناده حسن.»
حدیث نمبر: 198 |
|
ابن ابی ملیکہ سے روایت ہے کہ نبی کریم صلی اللہ علیہ وسلم نے ایک آدمی سے فرمایا: پس راوی نے حدیث سابق کے مثل ذکر کیا۔
تخریج الحدیث: «السابق»
49. نماز کے اختتام پر تکبیر کہنا
حدیث نمبر: 199 |
|
سیدنا ابن عباس رضی اللہ عنہما نے فرمایا: ”ہم رسول اللہ صلی اللہ علیہ وسلم کی نماز کا اختتام اللہ اکبر کی آواز سے پہچانتے تھے۔“
تخریج الحدیث: «بخاري، كتاب صفة الصلاة، باب الذكر بعد الصلاة، رقم: 847. مسلم، كتاب المساجد، باب الذكر بعد الصلاة، رقم: 583. سنن ابوداود، رقم: 1002. سنن نسائي، رقم: 1335. مسند احمد: 222/1. صحيح ابن خزيمه، رقم: 1706.»
50. اقامت کے بعد فجر کی دو سنتیں پڑھنا
حدیث نمبر: 200 |
|
سیدنا ابن عباس رضی اللہ عنہما نے بیان کیا، میں کھڑا ہوا اور دو رکعتیں پڑھنے لگا، جبکہ نماز کے لیے اقامت ہو گئی تھی، تو رسول اللہ صلی اللہ علیہ وسلم نے فرمایا: ”کیا تم فجر کی نماز چار رکعتیں پڑھو گے۔“
تخریج الحدیث: «مسند احمد: 354/1 قال شعيب الارناوط: اسناده حسن.»
51. نمازِ سفر دو رکعت اور نمازِ خوف ایک رکعت کی فرضیت
حدیث نمبر: 201 |
|
سیدنا ابن عباس رضی اللہ عنہما نے بیان کیا، رسول اللہ صلی اللہ علیہ وسلم نے نماز حضر چار رکعت، نماز سفر دو رکعت اور نماز خوف ایک رکعت فرض کی۔
تخریج الحدیث: «مسلم، كتاب صلاة المسافرين، باب صلاة المسافرين وقصرها، رقم: 687. سنن ابوداود، رقم: 1247. سنن نسائي، رقم: 1532. مسند احمد: 355/1.»
حدیث نمبر: 202 |
|
سیدنا ابن عباس رضی اللہ عنہما نے بیان کیا، اللہ نے تمہارے نبی صلی اللہ علیہ وسلم کی زبانی نماز حضر چار رکعت، نماز سفر دو رکعت اور نماز خوف ایک رکعت فرض کی۔
تخریج الحدیث: «انظر ما قبله.»
52. اللہ کی رضا کی خاطر اذان دینے کی فضیلت
حدیث نمبر: 203 |
|
سیدنا ابن عباس رضی اللہ عنہما نے رسول اللہ صلی اللہ علیہ وسلم سے روایت کیا کہ آپ صلی اللہ علیہ وسلم نے فرمایا: ”جو شخص اللہ کی رضا کی خاطر ثواب کی نیت سے سات سال اذان دیتا ہے، اس کے لیے جہنم سے براءت لکھ دی جاتی ہے۔“
تخریج الحدیث: «سنن ترمذي، ابواب الصلاة، باب ماجاء فى فضل الاذان، رقم: 206. سنن ابن ماجه، كتاب الاذان، ولسنة فيها باب فضل الاذان الخ، رقم: 767. قال الشيخ الالباني: ضعيف. مستدرك حاكم: 25/1. سنن كبري بيهقي: 433/1.»