سیدنا ابوموسیٰ اشعری رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”بیشک مجھے (مال و دولت) عطا کیا گیا ہے اس لئے مجھ سے مانگا جاتا ہے اور مجھ سے حاجت طلب کی جاتی ہے اور تم لوگ میرے پاس ہوتے ہو، تم لوگ سفارش کیا کرو تمہیں اس کا اجر ملے گا۔اللہ تعالیٰ اپنے نبی کے زبانی جو چیز پسند کرتا ہے اور جو چاہتا ہے فیصلہ سنا دیتا ہے۔“ شیخ کہتے ہیں: ابن ابوبردہ نامی راوی، جو اس روایت میں مذکور ہیں اس سے مراد ابن ابوبردہ کے صاحبزادے ہیں۔ امام ابوحاتم فرماتے ہیں یہ برید بن عبداللہ بن ابوبردہ بن سیدنا ابوموسیٰ اشعری رضی اللہ عنہ ہیں۔ [صحیح ابن حبان/كتاب البر والإحسان/حدیث: 531]