وہب بن منبہ بیان کرتے ہیں کہ یہ وہ سوالات ہیں جو میں نے سیدنا جابر بن عبداللہ انصاری رضی اللہ عنہ سے پوچھے تھے، تو انہوں نے مجھے بتایا کہ: ایک دن نبی کریم صلی اللہ علیہ وسلم نے خطبہ دیا اور اپنے ایک صحابی کا ذکر کیا جن کا انتقال ہوا تو انہیں ایک معمولی (گھٹیا) کفن دیا گیا اور رات کے وقت دفنا دیا گیا، اس پر نبی کریم صلی اللہ علیہ وسلم نے اس بات سے سختی سے منع فرمایا کہ کسی شخص کو رات کے وقت دفنایا جائے اور اس کی نمازِ جنازہ (مناسب طریقے سے) نہ پڑھی جائے، الا یہ کہ انسان اس کے لیے مجبور ہو جائے، اور آپ صلی اللہ علیہ وسلم نے فرمایا: ”جب تم میں سے کوئی اپنے بھائی کا ولی (ذمہ دار) بنے تو اسے چاہیے کہ اسے عمدہ کفن دے۔“ [المستدرك على الصحيحين/كتاب الجنائز/حدیث: 1381]