سیدنا ابوعوانہ رضی اللہ عنہ نے اسحاق کے واسطے سے ابوبردہ کے ذریعے ان کے والد کے حوالے سے نبی اکرم صلی اللہ علیہ وسلم کا یہ ارشاد نقل کیا ہے: ولی کی اجازت کے بغیر نکاح نہیں ہوتا۔ ٭٭ اس حدیث کو عبدالرحمن مہدی وکیع اور دیگر محدثین نے بھی ابوعوانہ سے روایت کیا ہے۔ اور متقدمۃ الذکر محدثین کے علاوہ بھی ائمہ مسلمین کی ایک جماعت ہے جس نے اس حدیث کو ابواسحاق سے متصلاً روایت کیا ہے۔ ان میں سے بعض کے اسماء درج ذیل ہیں: نعمان بن ثابت ابوحنیفہ رضی اللہ عنہ، رقبہ بن مصقلہ عبدی، مطرف بن طریف الحارثی، عبدالحمید بن حسن الھلالی، زکریا بن ابی زائدہ اور دیگر محدثین۔ اور ایک جماعت نے اس کو ابواسحاق کی بجائے ابوبردہ سے روایت کیا ہے اور اس میں وصل کیا ہے۔ (جیسا کہ درج ذیل ہے) [المستدرك على الصحيحين/كتاب النكاح/حدیث: 2748]