سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”مجھے اپنی امت کے بارے میں جن باتوں کا خوف ہے ان میں سے ایک یہ ہے کہ ان میں مال و دولت کی کثرت ہو جائے گی یہاں تک کہ وہ اس میں ایک دوسرے سے آگے نکلنے کی کوشش کریں گے اور اس پر آپس میں لڑائی جھگڑا کریں گے، اور مجھے اپنی امت کے بارے میں یہ بھی ڈر ہے کہ ان پر قرآن (کے علوم) کھول دیے جائیں گے یہاں تک کہ اسے مومن، کافر اور منافق سب پڑھیں گے، پھر مومن تو اس کے حلال کو حلال مانے گا (اور منافق) ﴿ابْتِغَاءَ تَأْوِيلِهِ﴾ ”اس کی (غلط) تاویل کی تلاش میں“ [سورة آل عمران: 7] آیت کے آخر تک (فتنہ پیدا کرے گا)۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب التفسير/حدیث: 3176]