سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جب مومنین جہنم سے بچ نکلیں گے تو انہیں جنت اور جہنم کے درمیان ایک پل پر روک لیا جائے گا۔ وہاں وہ ان زیادتیوں کا بدلہ ایک دوسرے سے لیں گے جو دنیا میں ان کے درمیان ہوئی تھیں۔ یہاں تک کہ جب وہ پاک صاف ہو جائیں گے تو انہیں جنت میں داخل ہونے کی اجازت دی جائے گی۔ اس ذات کی قسم جس کے ہاتھ میں محمد صلی اللہ علیہ وسلم کی جان ہے! ان میں سے ہر ایک جنت میں اپنے ٹھکانے کو تم میں سے کسی کے دنیا میں اپنے گھر کے راستے جاننے سے بھی زیادہ بہتر طریقے سے جانتا ہوگا۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا! کیونکہ معمر بن راشد نے اسے قتادہ سے، انہوں نے ایک آدمی سے اور اس نے ابوسعید سے روایت کیا ہے، لیکن یہ کوئی علت (بیماری) نہیں ہے، کیونکہ ہشام دستوائی قتادہ کی احادیث کو دوسروں سے زیادہ جانتے ہیں۔ [المستدرك على الصحيحين/كتاب التفسير/حدیث: 3389]