سیدنا عبداللہ بن عباس رضی اللہ عنہما فرماتے ہیں: سیدنا عبداللہ بن ابی سرح رضی اللہ عنہ، رسول اللہ صلی اللہ علیہ وسلم کے (ہاں وحی کی کتابت کے لئے) کاتب تھے۔ پھر یہ مرتد ہو کر کفار سے جا ملے تھے۔ رسول اللہ صلی اللہ علیہ وسلم نے اس کو قتل کرنے کا حکم فرما دیا تھا۔ پھر سیدنا عثمان رضی اللہ عنہ نے ان کے لئے امان مانگی تو رسول اللہ صلی اللہ علیہ وسلم نے ان کو امان دے دی تھی۔ ٭٭ یہ حدیث امام بخاری رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب المغازي والسرايا/حدیث: 4409]