سعید بن ابی سعید مقبری سے روایت ہے، انہوں نے کہا: ہم سیدنا ابوہریرہ رضی اللہ عنہ کے ساتھ تھے کہ اتنے میں سیدنا حسن بن علی بن ابی طالب رضی اللہ عنہما تشریف لائے اور سلام کیا، ہم نے ان کے سلام کا جواب دیا مگر سیدنا ابوہریرہ رضی اللہ عنہ کو ان کے آنے کا علم نہ ہوا، ہم نے ان سے عرض کیا: اے ابوہریرہ! یہ حسن بن علی ہیں جنہوں نے ہمیں سلام کیا ہے، پس وہ ان کے پیچھے لپکے اور کہا: ”وعلیک السلام اے میرے سردار“، پھر فرمایا: میں نے رسول اللہ صلی اللہ علیہ وسلم کو فرماتے سنا ہے کہ: ”بے شک یہ سردار ہے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4848]