مصعب بن عبداللہ زبیری فرماتے ہیں:” شرحبیل بن حسنہ “۔ یہ بھی کہا گیا ہے کہ ان کی والدہ سیدنا سفیان بن معمر بن حبیب بن وہب بن حذافہ بن جمع کے نکاح میں تھیں۔ اور سیدنا سفیان کے ہمراہ ہجرت بھی کی۔ اور جو شرحبیل ہیں یہ عبداللہ بن مطاع بن عمرو ہیں، یمن کے رہنے والے ہیں، اور یہ سفیان، جمیل بن معمر ہیں، اور جمیل کو ذہانت اور فطانت کی وجہ سے ” ذوالقلبین “ (دو دلوں والا) کہا جاتا تھا۔ انہی کے بارے میں اللہ تعالیٰ نے فرمایا ہے: مَا جَعَلَ اللّٰہَ لِرَجُلٍّ مِنْ قَلْبَیْنَ فِی جَوْفِہِ (الاحزاب: 4) ” اللہ نے کسی آدمی کے اندر دو دل نہ رکھے “ انہوں نے رسول اللہ صلی اللہ علیہ وسلم کے ہمراہ غزوہ حنین میں شرکت کی۔ آپ 18 ہجری کو سیدنا عمر رضی اللہ عنہ کے دور خلافت میں جنگ یرموک میں شہید ہوئے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5282]