ابراہیم بن عطاء اپنے والد کا یہ بیان نقل کرتے ہیں کہ زیاد یا ابن زیاد نے سیدنا عمران بن حصین رضی اللہ عنہ کو ٹیکس وصول کرنے کے لئے بھیجا، وہ جب لوٹ کر آئے تو ان کے پاس ایک درہم تک نہ تھا، سیدنا معاویہ رضی اللہ عنہ نے پوچھا: مال کہاں ہے؟ انہوں نے کہا: کیا تم نے مجھے مال کے لئے بھیجا تھا؟ ہم نے اسی حساب سے لیا ہے جس حساب سے رسول اللہ صلی اللہ علیہ وسلم کے زمانے میں لیا کرتے تھے اور انہی مقامات پر خرچ بھی کر دیا ہے جہاں رسول اللہ صلی اللہ علیہ وسلم کے زمانے میں ہم خرچ کیا کرتے تھے۔ ٭٭ یہ حدیث صحیح الاسناد ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6102]