ام سلمہ رضی اللہ عنہا فرماتی ہیں: رسول اللہ صلی اللہ علیہ وسلم نے فرمایا: جب تم میت یا مریض کے پاس جاؤ تو اس کے بارے میں ہمیشہ اچھی بات کہو، کیونکہ تم جو کچھ کہتے ہو، فرشتے اس پر آمین کہتے ہیں۔ جب سیدنا ابوسلمہ رضی اللہ عنہ کا انتقال ہوا تو میں نبی اکرم صلی اللہ علیہ وسلم کی بارگاہ میں حاضر ہوئی اور میں نے پوچھا: اس موقع پر میں کیا دعا مانگوں؟ حضور صلی اللہ علیہ وسلم نے فرمایا: یہ دعا مانگو ” اے اللہ! ہماری اور اس (ابوسلمہ) کی مغفرت فرما، اور مجھے اس کا اچھا بدل عطا فرما “۔ میں نے وہی دعا مانگی اور اللہ تعالیٰ نے محمد صلی اللہ علیہ وسلم کی صورت میں واقعی اچھا بدل عطا فرما دیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 6911]