سیدنا جابر بن عبداللہ رضی اللہ عنہما فرماتے ہیں کہ رسول اللہ صلی اللہ علیہ وسلم نے ارشاد فرمایا ہے ” جو شخص ثنیۃ المرار پر چڑھے اس کو وہ چیز معاف کر دی جائے گی جو چیز بنی اسرائیل کو معاف کر دی گئی تھی، چنانچہ اس پہاڑی پر سب سے پہلے بنی خزرج کے گھوڑے چڑھے تھے۔ رسول اللہ صلی اللہ علیہ وسلم نے فرمایا: تم سب کی مغفرت کر دی گئی ہے سوائے سرخ رنگ کے گھوڑے والے آدمی کے۔ راوی کہتے ہیں: وہ ایک دیہاتی شخص تھا، اپنا گمشدہ اونٹ ڈھونڈتا پھر رہا تھا، ہم نے اس سے کہا: آ جا، رسول اللہ صلی اللہ علیہ وسلم تیرے لئے مغفرت کی دعا کر دیں، اس نے کہا: میرا گمشدہ اونٹ مجھے مل جائے، تمہارے نبی سے مغفرت کی دعا کروانے سے زیادہ خوشی مجھے اس بات کی ہو گی۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7160]