ام المومنین سیدہ عائشہ رضی اللہ عنہا فرماتی ہیں: رسول اللہ صلی اللہ علیہ وسلم اپنی ایک زوجہ محترمہ کے پاس تشریف لے جاتے، ان کے پاس شہد کا ایک ڈبہ تھا، حضور صلی اللہ علیہ وسلم اس میں سے شہد استعمال کرتے تھے اور ان کے پاس بیٹھ جاتے۔ یہ چیز (دیگر ازواج) کو ناگوار گزرتی تھی، ام المومنین سیدہ عائشہ رضی اللہ عنہا نے ام المومنین سیدہ حفصہ اور دیگر ازواج سے مشورہ کیا، اور ہم نے حضور صلی اللہ علیہ وسلم سے کہا: ہمیں آپ سے مغافیر (ایک درخت کا گوند ہے) کی بدبو آ رہی ہے، حضور صلی اللہ علیہ وسلم نے فرمایا: میں نے تو ابھی فلاں زوجہ کے پاس شہد استعمال کیا تھا، اب میں اس کے پاس نہیں جاؤں گا۔ [المستدرك على الصحيحين/كتاب الأطعمة/حدیث: 7251]