ابوبردہ رضی اللہ عنہ سے روایت ہے کہ میں عبیداللہ بن زیاد کے پاس تھا کہ وہاں خوارج کے سر لائے گئے، جب بھی اس کے سامنے سے کوئی سر گزرتا وہ کہتا: یہ آگ میں جائے گا، تو عبداللہ بن یزید نے اس سے کہا: کیا تمہیں معلوم نہیں کہ میں نے رسول اللہ صلی اللہ علیہ وسلم کو فرماتے سنا ہے: ”اس امت کا عذاب اس کے اپنے ہاتھوں میں اس کی دنیا ہی میں رکھ دیا گیا ہے۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا، البتہ امام مسلم نے تنہا طلحہ بن یحییٰ کی ابوبردہ سے اور انہوں نے ابوموسیٰ سے ”میری امت امتِ مرحومی ہے“ والی حدیث روایت کی ہے۔ [المستدرك على الصحيحين/كتاب التوبة والإنابة/حدیث: 7842]