سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم کے پاس دو شخص بیٹھے تھے جن میں سے ایک دوسرے سے زیادہ معزز (شریف) تھا، اس معزز شخص کو چھینک آئی لیکن اس نے اللہ کی حمد بیان نہیں کی تو نبی کریم صلی اللہ علیہ وسلم نے اس کا جواب نہیں دیا، پھر دوسرے شخص کو چھینک آئی اور اس نے اللہ کی حمد بیان کی تو نبی کریم صلی اللہ علیہ وسلم نے اسے «يَرْحَمُكَ اللهُ» کہا، اس معزز شخص نے عرض کیا: مجھے چھینک آئی تو آپ نے جواب نہیں دیا جبکہ اسے چھینک آئی تو آپ نے جواب دیا؟ آپ صلی اللہ علیہ وسلم نے فرمایا: ”بے شک تم نے اللہ کو بھلا دیا تو میں نے تمہیں بھلا دیا، اور اس نے اللہ کو یاد کیا تو میں نے بھی اسے یاد کیا۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الأدب/حدیث: 7882]