سیدنا عبداللہ بن مسعود رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: میں اپنے بعد آنے والے سات فتنوں سے پرحذر کرتا ہوں، ایک فتنہ مدینہ کی جانب سے آئے گا، ایک فتنہ مکہ میں آئے گا، ایک فتنہ یمن کی جانب سے اٹھے گا، ایک فتنہ شام کی طرف سے اٹھے گا، ایک فتنہ مشرق کی طرف سے اور ایک فتنہ مغرب کی طرف سے اٹھے گا، ایک سفیانی فتنہ بطن شام سے اٹھے گا، سیدنا عبداللہ بن مسعود رضی اللہ عنہ نے فرمایا: تم میں سے کوئی شخص ان میں سے پہلے فتنے کو پائے گا، اور اسی امت کا ایک فرد ہو گا جو ان میں سے آخری فتنے کو پائے گا، ولید بن عیاش کہتے ہیں: مدینہ کا فتنہ طلحہ اور زبیر کی جانب سے تھا، مکہ کا فتنہ عبداللہ بن زبیر کا فتنہ تھا، شام کا فتنہ بنو امیہ کی طرف سے تھا، مشرق کا فتنہ ان لوگوں کی طرف سے تھا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الفتن والملاحم/حدیث: 8653]