امام حاکم رحمہ اللہ کہتے ہیں کہ میں نے فقیہ و ادیب ابوبکر محمد بن علی القفال سے ایک سے زائد بار سنا، وہ کہتے تھے کہ میں نے ابوبکر محمد بن یحییٰ صولی نحوی کو کہتے سنا کہ عرب شعراء میں سب سے پہلے علی بن عباس رومی نے ترکوں کی مدح کی جب انہوں نے یہ اشعار کہے: ”جب وہ ثابت قدم رہتے ہیں تو لوہے کی دیوار بن جاتے ہیں، ہماری آنکھیں اس منظر میں حیراں رہ جاتی ہیں۔ اور جب وہ میدانِ جنگ میں نکلتے ہیں تو بھڑکتی ہوئی آگ بن جاتے ہیں جو دشمنوں پر شعلہ زن ہوتی ہے۔ وہ روئے زمین کے بادشاہ ہیں، جب وہ سامنے آئیں تو ان کی آنکھیں چھوٹی محسوس ہوتی ہیں لیکن ان کے حوصلے بہت بلند ہوتے ہیں۔“ [المستدرك على الصحيحين/كتاب الفتن والملاحم/حدیث: 8672]