حطان بن عبداللہ رقاشی بیان کرتے ہیں کہ وہ لوگ ابوموسیٰ کے ہمراہ ایک غزوہ میں شریک تھے، جب ان لوگوں نے ایک مقام پر پڑاؤ ڈالا، تو ہم آپس میں یہ باتیں کرنے لگ گئے کہ قیامت سے پہلے ہرج ہو گا۔ لوگوں نے کہا: اے امیرالمومنین، ہرج کیا ہے؟ آپ نے فرمایا: قتل۔ ہم نے کہا: ہمارا زیادہ سے زیادہ قتل یہ ہے کہ ہم سال میں ایک لاکھ سے زیادہ لوگوں کو قتل کر سکتے ہیں۔ آپ نے فرمایا: تم مشرکوں کو قتل نہیں کرو گے، بلکہ تم ایک دوسرے کو قتل کرو گے۔ ہم نے کہا: اس دن ہماری عقل ہمارے پاس ہو گی؟ سیدنا ابوموسیٰ نے فرمایا: اس زمانے میں اکثر لوگوں کی عقلیں چھین لی جائیں گی، اور بے وقوف قسم کے لوگ باقی بچیں گے، ان میں سے اکثر لوگ خود کو حق پر سمجھیں گے حالانکہ وہ حق پر نہیں ہوں گے۔ اللہ کی قسم! اگر وہ تمہیں اور مجھے پائے تو قرآن کریم اور رسول اللہ صلی اللہ علیہ وسلم سے جو ہم نے عہد کیا ہے اس کے مطابق میرا اور تمہارا چھٹکا صرف اسی صورت میں ممکن ہے کہ ہم جس طرح اس میں داخل ہوں گے، اسی طرح اس سے باہر نکلیں گے (نہ کوئی فائدہ ہو گا نہ نقصان)۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب الفتن والملاحم/حدیث: 8800]