سیدنا عبداللہ بن مسعود رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: اسلام کی چکی 35 سال تک گھومے گی، یا 36 سال۔ اگر وہ ہلاک ہو گئے تو ہلاک ہونے والوں کی راہ چلے جائیں گے اور اگر ان کا دین قائم رہا تو ستر سال تک قائم رہے گا۔ سیدنا عمر رضی اللہ عنہ نے کہا: یا رسول اللہ صلی اللہ علیہ وسلم اس میں گزشتہ زمانہ بھی شامل ہے؟ آپ صلی اللہ علیہ وسلم نے فرمایا: جو باقی بچا ہے، وہ ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ ایک حدیث ایسی ہے جس کی اسناد تینوں کتابوں سے خارج ہے لیکن وہ ہمارے موضوع کے بہت قریب ہے، اس لیے میں نے اس کو اپنی کتاب میں درج کر لیا ہے۔ (جیسا کہ درج ذیل ہے) [المستدرك على الصحيحين/كتاب الفتن والملاحم/حدیث: 8802]