سیدنا عبداللہ بن عمرو بن العاص رضی اللہ عنہما فرماتے ہیں کہ رسول اللہ صلی اللہ علیہ وسلم نے ارشاد فرمایا: اہل مشرق پر آگ بھیجی جائے گی، وہ ان کو مغرب کی جانب ہانک کر لے جائے گی، یہ آگ لوگوں کے ہمراہ رات گزارے گی، لوگ جہاں رات گزاریں گے، یہ آگ بھی وہیں رات گزارے گی، لوگ جہاں قیلولہ کریں گے آگ بھی ان کے ہمراہ قیلولہ کرے گی، جو کچھ لوگوں کے کھانے پینے اور سامان سے بچ جائے گا، وہ آگ کھایا کرے گی، اور یہ آگ لوگوں کو اس طرح ہانکے گی جیسے سست و کاہل اونٹ کو ہانکا جاتا ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الفتن والملاحم/حدیث: 8861]